ଆମ୍ବ ପୋଡ଼ା 

ସରୋଜିନୀ ଚୌଧୁରୀ

ଆମ୍ବ ଗଛ ଓ ଫଳର ଚିତ୍ର (୧୬୫୬ ମସିହା)
'ଫ୍ଲୋରା ସିନେନ୍ସିସ୍' ନାମକ ବହିରୁ ଆନୀତ
ଫଟୋ କ୍ରେ଼ଡ଼ିଟ - ୱିକିମିଡ଼ିଆ କମନ୍ସ୍

ପ୍ରଣାଳୀ - ଗୋଟିଏ ଆମ୍ବକୁ ଖୁବ ଗରମ ପାଉଁଶରେ ବା ମଲା ନିଆଁରେ ପୋତି ପୋଡ଼ା ପରେ ଥଣ୍ଡା ହେଲେ ରସ କାଢ଼ ଏବଂ ତେଲ ଓ ଲୁଣ ମିଶାଅ । ଶୁଖିଲା  ଲଙ୍ଗାମରିଚ ଗୋଟାଏ ଓ ତିନିଫୋଡ଼ନ (ପାନମହୁରୀ, ମେଥି, କଳାଜିରା ସମାନ ଅଂଶ ନେଇ) ଭାଜି ଗୁଣ୍ଡା କରି ତହିଁରେ ପକାଅ । ଘଣ୍ଟାଏ ଖଣ୍ଡେ ଢାଙ୍କି ରଖ । ପରେ ଖାଇବାକୁ ଦେବ ।

ବି.ଦ୍ର. - ଆମ୍ବ ପୋଡ଼ା ତିଆରିବାର ଏହି ପ୍ରଣାଳୀଟି ସରୋଜିନୀ ଚୌଧୁରୀ (୧୮୮୩-୧୯୫୭)ଙ୍କ ବହି 'ଗୃହିଣୀ ସର୍ବସ୍ୱ'ର ଲାର୍କ ବୁକ୍ସ୍ (ଭୁବନେଶ୍ୱର) ୨୦୦୯ ମସିହାରେ ଛାପିଥିବା ଦ୍ୱିତୀୟ ସଂସ୍କରଣରୁ ନିଆଯାଇଛି ।  ବହିଟିର ପ୍ରଥମ ସଂସ୍କରଣ ୧୯୨୮ ମସିହାରେ ଛପାଯାଇଥିଲା । ସରୋଜିନୀ ଦେବୀ ଜଣେ ସ୍ୱାଧୀନତା ସଙ୍ଗ୍ରାମୀ ଭାବରେ ଜଣାଶୁଣା । ସେ ଫକୀରମୋହନ ସେନାପତିଙ୍କର ସର୍ବକନିଷ୍ଠ କନ୍ୟା ତଥା ଶିଳ୍ପୀ ବିପିନବିହାରୀ ଚୌଧୁରୀଙ୍କର ମାତା ।