ଲାଉ ଡଙ୍କ ଭର୍ତ୍ତା

ସରୋଜିନୀ ଚୌଧୁରୀ

କୋରିଆ ଦେଶର ସ୍ୟୋଲ୍ ନଗରରେ ଲାଉ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ପ୍ରଣାଳୀ -  ଲାଉ ଲତାର ଅଗଅଗ ନରମ ଡଙ୍କ ଆଣି ଛୋଟ ଛୋଟ ପତର ଥାଉଁଥାଉଁ ବେଶ୍ କରି ଚାହିଁ ବାଛିନେବ । ଆଁଶୁ ଆଁଶୁ ଖଣ୍ଡମାନ ଏକାଠି ଖଣ୍ଡେ ସୂତାରେ ବାନ୍ଧି ଭାତରେ ବା ଡାଲିରେ ପକାଅ । ସିଝିଗଲେ ବାହାର କରି ଲାଗିଥିବା ଭାତ ବା ଡାଲି ଝାଡ଼ିଝୁଡ଼ି ଡଙ୍କଗୁଡ଼ିକ ସ୍ୱତନ୍ତ୍ର ରଖ ଏବଂ ତେଲ, ଲୁଣ ଓ ପିଆଜକୁ ସରୁ ସରୁ ଲମ୍ବ କାଟି ମିଶାଅ । 

ଗୁଣାଗୁଣ - ଲାଉ ଡଙ୍କ ମଧୁର ରସ, ମଧୁର-ପାକ, ମଳମୂତ୍ର କାରକ, କଫ ପିତ୍ତ ନାଶକ ଏବଂ ବାୟୁବର୍ଦ୍ଧକ (ଦ୍ରବ୍ୟଗୁଣ) ।

ବି.ଦ୍ର. - ଲାଉ ଡଙ୍କ ଭର୍ତ୍ତା ତିଆରିବାର ଏହି ପ୍ରଣାଳୀଟି ସରୋଜିନୀ ଚୌଧୁରୀ (୧୮୮୩-୧୯୫୭)ଙ୍କ ବହି 'ଗୃହିଣୀ ସର୍ବସ୍ୱ'ର ଲାର୍କ ବୁକ୍ସ୍ (ଭୁବନେଶ୍ୱର) ୨୦୦୯ ମସିହାରେ ଛାପିଥିବା ଦ୍ୱିତୀୟ ସଂସ୍କରଣରୁ ନିଆଯାଇଛି ।  ବହିଟିର ପ୍ରଥମ ସଂସ୍କରଣ ୧୯୨୮ ମସିହାରେ ଛପାଯାଇଥିଲା । ସରୋଜିନୀ ଦେବୀ ଜଣେ ସ୍ୱାଧୀନତା ସଙ୍ଗ୍ରାମୀ ଭାବରେ ଜଣାଶୁଣା । ସେ ଫକୀରମୋହନ ସେନାପତିଙ୍କର ସର୍ବକନିଷ୍ଠ କନ୍ୟା ତଥା ଶିଳ୍ପୀ ବିପିନବିହାରୀ ଚୌଧୁରୀଙ୍କର ମାତା ।