ଓଡ଼ିଆ ଢ଼ମାଳି - ୨
ସଙ୍ଗ୍ରାହକ - ଚକ୍ରଧର ମହାପାତ୍ର
କାଠମାଣ୍ଡୁର ଏକ ମନ୍ଦିରର ମଧ୍ୟଯୁଗୀୟ ତାଲା ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
୪
ଚନ୍ଦ୍ରମାକୁ କିଆଁ ବଢ଼ାଉ ହସ୍ତ
କବାଟ ପଡ଼ିଛି ସାତ ପରସ୍ତ
ଅନାମ ଦେଶର କଞ୍ଚି, ଫିରିଙ୍ଗି ଦେଶର ତାଲା
ଜୁଳୁକି ଲାଗିଛି ଖିଡ଼ିକି ପଡ଼ିଛି
ଫିଟେଇପାରିଲେ ହେଲା ।
୫
ଘିଅ ଆଣିଥିଲି ଅଢ଼େଇଏ
ଗୁଡ଼ ଆଣିଥିଲି ଷଢ଼େଇଏ
ଚାଉଳ କୁଟିଲି ମାଣେ
ଛ' କୋଡ଼ି କଲି, ନ' କୋଡ଼ି କଲି
କୁଲା ପୋଛିକରି ଦି' କୋଡ଼ି କଲି
ଭାଇ ବେହେରାଙ୍କୁ ଯୋଡ଼ି ପିଠା ଦେଲି ।
ମୁଁ ଭାଇଖାଇ ରଙ୍କୁଣୀ ନୁୁହେଁ
ଯେ ମାଗେ ତାକୁ ହତାଏ ଦିଏ ।
୬
ଅମନି ମାଇପ ମନ କରିଛି
ମନର ମାଇପ ଶେଜ ପାରିଛି
ବ୍ୟାହି ମାଇପର ପାଳି
ପୋଇଲିମାଇପ ବନ୍ଦାପନା ଦିନ
ପୁରୁଷ ବସିଛି ଭାଳି ।
No comments:
Post a Comment