ନଈବଢ଼ି ଗୀତ

ସଙ୍ଗ୍ରାହକ - ଚକ୍ରଧର ମହାପାତ୍ର 

ଚିତ୍ର - 'ଜବଦ୍ୱୀପରେ ବନ୍ୟା' (୧୮୬୫-୧୮୭୫)
ଚିତ୍ରକର - ରାଦେଲ ସାଲେ ସିଜାରିଫ ବୋଏସ୍ମାନ (୧୮୧୧-୧୮୮୦)
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ 

ଆହେ ଚକାଡୋଳା ଜଗତନାଥ ହେ ମହାପ୍ରଭୁୂ

ତୁମେ ଥାଉଁ ଆମେ ହେଲୁ ଅନାଥ ହେ ମହାପ୍ରଭୁ ।

ତେନ୍ତୁଳି ପତର ସପନ ହେଲା ହେ ମହାପ୍ରଭୁ

କିଏ ବା ପାଣିରେ ବୁଡ଼ିମରିଲା ହେ ମହାପ୍ରଭୁ ।

ପେଟ ପିଲାକୁ ତା ମାଆ ଛାଡ଼ିଲା ହେ ମହାପ୍ରଭୁ

ବାଛୁରି ଛାଡ଼ି ତ ଗାଈ ଭାସିଲା ହେ ମହାପ୍ରଭୁ ।

ଘରବୁଡ଼ି ପାଣି ଆଣ୍ଠୁଏ ହେଲା ହେ ମହାପ୍ରଭୁ

କଲବଲେ କେହୁ ଗଛେ ଚଢ଼ିଲା ହେ ମହାପ୍ରଭୁ ।

କେହି ଅବା ସୁଏ ଭାସିଣ ଗଲା ହେ ମହାପ୍ରଭୁ

ଘରଦ୍ୱାର ସବୁ ଭାଙ୍ଗି ପଇଲା ହେ ମହାପ୍ରଭୁ