ସ୍ତ୍ରୀଲୋକ ମାନଙ୍କୁ ଷୋଡଶୋପଦେଶ

ଆଲେଖ୍ୟ - ଜ୍ୟୋତି ନନ୍ଦ 

ପ୍ରସିଦ୍ଧ ଆତ୍ମଜୀବନୀ 'ଆଇ ନୋ ହ୍ୱାଏ ଦ କେଜେଡ଼୍ ବାର୍ଡ଼ ସିଙ୍ଗ୍ସ୍'ର ମଲାଟ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

୧

ଜଣେ ନାରୀ ପାଖରେ ନିଜ ନିୟନ୍ତ୍ରଣରେ ପର୍ଯ୍ୟାପ୍ତ ପଇସା ରହିବା ଦରକାର । ଯାହା ଦ୍ୱାରା ସେ ବାହାରକୁ ଯିବା ବେଳେ ବା ନିଜ ପାଇଁ ଯେମିତି ଗୋଟିଏ ଘର ଭଡାରେ ନେଇ ରହିପାରିବ, ଯଦିଓ ସେ ଏହା କରିବାକୁ ଚାହୁଁ ନାହିଁ ବା ସେମିତି କରିବାର ଆବଶ୍ୟକତା ତାହା ପାଇଁ ନାହିଁ।

୨ 

ସ୍ତ୍ରୀ ଲୋକଟି ପାଖରେ ସେମିତି ମଜାଦାର ସାମଗ୍ରୀ ମହଜୁଦ ରହିବା ଦରକାର ଯାହାକୁ ସେ ପଛରେ ଛାଡି ଆସିଛି । ଆଉ ସେଇ ସବୁ କଥାକୁ ସେ ନିଜର ବୃଦ୍ଧାବସ୍ଥାରେ ଖୁବ୍ ଆନନ୍ଦର ସହ ଅନ୍ୟକୁ ଶୁଣାଇ ପାରିବ।

୩

ସବୁ ସ୍ତ୍ରୀ ଲୋକଙ୍କ ପାଖରେ ପେଚକସ୍ ସେଟ୍, ତାର ରହିତ ଡ୍ରିଲ୍ ଆଉ ଗୋଟିଏ କଳା ଫିତାବାଲା ବ୍ରା ରହିବା ଦରକାର ।

୪
ନାରୀ ପାଖରେ ଏପରି ଏକ ବନ୍ଧୁ ରହିବା ଦରକାର, ଯିଏ ସବୁବେଳେ ତାହାକୁ ହସାଉଥିବ, ଆଉ ଯିଏ ତାହାକୁ କାନ୍ଦିବାରେ ସାହାଯ୍ୟ କରୁଥିବ।

୫

ଜଣେ ସ୍ତ୍ରୀ ପାଖରେ ଗୋଟିଏ ଏମିତି ଖଣ୍ଡିଏ ବଢିଆ ଆସବାସ ପତ୍ର ରହିବା ଦରକାର, ଯେଉଁ ଭଳି ତାହାର ପରିବାରର ଆଉ କେହି ପ୍ରଥମେ କିଣିନଥିବେ।

୬

ଜଣେ ସ୍ତ୍ରୀ ଲୋକ ପାଖରେ ନିଜ ଭାଗ୍ୟ ଉପରେ ନିୟନ୍ତ୍ରଣର ଭାବନା ରହିବା ଆବଶ୍ୟକ ।

୭

ଜଣେ ସ୍ତ୍ରୀଲୋକ ପାଖରେ ଅନ୍ତତଃ ଆଠଟି ଥାଳିର ଏକ ସେଟ୍, ଧରିବାରେ ସୁବିଧା ହେଉଥିବା ପାଇଁ ଲମ୍ବା ୱାଇନ୍ ଗିଲାସ ଆଉ ଖାଇବା ପାଇଁ ସୁନ୍ଦର "ରେସିପି" ରହିଥିବା ଦରକାର । ଯାହା ଦ୍ୱାରା ସେ ନିମନ୍ତ୍ରିତ ଅତିଥି ମାନଙ୍କ ଗହଣରେ ମର୍ଯ୍ୟାଦାବନ୍ତ ଦିଶିବ ।

୮

ଜଣେ ସ୍ତ୍ରୀ ଲୋକର ଏଇ ସବୁ ଜାଣିବା ଦରକାର, କେଉଁ ପରି ଗୋଟିଏ ଚାକିରୀକୁ ଛାଡିଦେଇ ହେବ,ପ୍ରେମିକ ସହ ସମ୍ପର୍କ କେଉଁ ପରି ବିଚ୍ଛିନ୍ନ କରିହେବ,ଆଉ ବନ୍ଧୁତା କୁ ବରବାଦ ନ କରି କେଉଁ ପରି ଜଣେ ବନ୍ଧୁର ସାମ୍ନା କରାଯାଇ ପାରିବ ।

୯

ସବୁ ସ୍ତ୍ରୀ ଲୋକର ସଜ୍ଞାନରେ ରହିବା ଆବଶ୍ୟକ ଯେ, କେତେବେଳେ ତାହାକୁ କୌଣସି କଠିନ ପ୍ରୟାସ କରିବାକୁ ହେବ, ଆଉ କେତେବେଳେ ଏଥିରୁ ପୁରାପୁରି ବିରତ ରହିବାକୁ ହେବ ।

୧୦

ଜଣେ ସ୍ତ୍ରୀ ଲୋକର ଜାଣିବା ଦରକାର ଯେ ଲମ୍ବାରେ ଗୋଟିଏ ବାଛୁରୀ ,ନିଜ କଟୀଦେଶର ଚଉଡା ବା ନିଜ ବାପା ମାଆଙ୍କ ପ୍ରକୃତିକୁ ବଦଳାଯାଇ ପାରିବ ନାହିଁ ।

୧୧

ସବୁ ସ୍ତ୍ରୀ ଲୋକର ବୁଝିବା ଦରକାର ଯେ, ତାହାର ପିଲାଦିନ ସେମିତି କିଛି ନଥିଲା । ତାହା ଛଡା ଏବେ ତ ଆଉ ପିଲାଦିନ ନାହିଁ ।

୧୨

ସବୁ ସ୍ତ୍ରୀ ଲୋକଙ୍କୁ ଜାଣିବା ଉଚିତ ଯେ, ତାହାକୁ ନିଜର ପ୍ରେମ ପାଇଁ କ'ଣ କରିବା ଦରକାର ଆଉ ଏଥି ପାଇଁ ସେ ନିଜେ କ'ଣ କରି ପାରିବ ।

୧୩

ଜଣେ ସ୍ତ୍ରୀ ଲୋକ ନିଜେ ଏକେଲା ରହିବାକୁ ପସନ୍ଦ ନ କରୁଥିଲେ ବି ଜାଣିବା ଦରକାର ଯେ, କିଭଳି ଏକେଲା ରହି ହେବ ।

୧୪
ସ୍ତ୍ରୀ ଲୋକଟିକୁ ଜାଣି ରଖିବା ଦରକାର, କାହା ଉପରେ ଭରସା କରାଯାଇ ପାରେ, ଆଉ କାହା ଉପରେ କାହିଁକି ନୁହଁ ? ଆଉ ଏଇ କଥାକୁ ବ୍ୟକ୍ତିଗତ ରୂପରେ ନେବା ଉଚିତ ନୁହଁ ।

୧୫

ସ୍ତ୍ରୀ ଲୋକଟିର ଜାଣିବା ଦରକାର, ତାହାକୁ କେଉଁଠିକୁ ଯିବା ଉଚିତ । ନିଜର ପ୍ରିୟ ବନ୍ଧୁର ରୋଷେଇ ଘର । ବା ଯେଉଁଠି ତାହାର ଆତ୍ମାକୁ ଆନନ୍ଦ ମିଳେ, ସେଇଠିକୁ।

୧୬

ଜଣେ ସ୍ତ୍ରୀ ଲୋକକୁ ନିଜ ଜୀବନରେ 'କାହିଁକି ଆଉ କାହିଁକି ନୁହଁ'ର ଫର୍ମୁଲା ଜାଣିବାକୁ ହେବ । ଆଉ, ଏଇ ଫର୍ମୁଲା କୁ ଗୋଟିଏ ଦିନ ହେଉ, କି ମାସେ ହେଉ, କି ବର୍ଷେ ହେଉ, ତାହା ଭିତରେ ସିଦ୍ଧ କରି ଦେଖାଇବାକୁ ହେବ।

ଜେମ୍ସ୍ ବାଲଡ଼୍ୱିନ୍ ଙ୍କ ସହ ମାୟା ଆଞ୍ଜେଲୁ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ନିଜକଥା

ଏବେଏବେ ଗୋଟିଏ ସନ୍ଧ୍ୟାରେ ନାରୀ ମାନଙ୍କର ଅତ୍ୟାଚାର ବିରୁଦ୍ଧରେ ସାମାଜିକ ପ୍ରତିବାଦ କଲେ । ଏଥି ପାଏଁ ଆମର ଆଦରର ଶକ୍ତିବାହିନୀମାନେ ସାମାଜିକ ଗଣମାଧ୍ୟମରେ ନିଜକୁ ଘଣ୍ଟାଏ ପାଇଁ ଅଦୃଶ୍ୟ ରଖିଲେ । ପ୍ରତୀକାତ୍ମକ ଆକାରରେ ପ୍ରତିବାଦ କରିବା ପାଇଁ ନିଜର ପ୍ରତିକୃତି ଗୁଡିକ ସ୍ଥାନରେ ପୂରା କଳା ରଙ୍ଗ ବୋଳିଲେ । ଅର୍ଥାତ୍, ଆଗରୁ ଯେଉଁଠି ସେମାନଙ୍କର ସୁନ୍ଦର ଛବିଟିମାନ ଦେଖାଯାଉଥିଲା, ସେଇଠି ରହିଥିଲା ଖଣ୍ଡିଏ ଖଣ୍ଡିଏ ଚାରିକୋଣିଆ କଳା ରଙ୍ଗ । କଳା ରଙ୍ଗ ପ୍ରତିବାଦର ରଙ୍ଗ । ସେ ବିଷୟରେ ବିସ୍ତାରରେ ପରେ, ଆଉ କେବେ ।

ଆଜି ଏଇ ପ୍ରତିବାଦ ପରିପ୍ରେକ୍ଷୀରେ ଏଇ ଘଟଣାକୁ ମନେ ରଖିବା ପାଇଁ ମୋର କିଛି ଲେଖିବାକୁ ଇଛା ହେଲା । ତେଣୁ ଏଇ ଷୋଡଶୋପଦେଶ । କିଛି ଗୁରୁତ୍ୱପୂର୍ଣ୍ଣ କଥା ଏଇଠି କୁହାଯାଇଛି ।

ସବୁଠୁ ବଡ କଥା ହେଲା ଯେ, ଏହି ଷୋଡଶୋପଦେଶର ରଚୟିତା ଏଇ ନରାଧାମ ନୁହଁ । ଏହାର ରଚୟିତା ବିଶିଷ୍ଟ ଆମେରିକୀୟ କୃଷ୍ଣାଙ୍ଗୀ କବି ଓ ମାନବ ଅଧିକାର କର୍ମୀ ମାୟା ଆଞ୍ଜେଲୋ। ମାୟା ଆଞ୍ଜେଲୋଙ୍କ ଦ୍ୱାରା ଲିଖିତ ଗୋଟିଏ ସ୍ମୃତିକଥାର ଶୀର୍ଷକ ହେଉଛି, "ଆଇ ନୋ ହ୍ୱାଇ ଦି କେଜଡ୍ ବାର୍ଡ ସିଙ୍ଗସ୍"। ମାୟା ଆଞ୍ଜେଲୋ ନିଶ୍ଚିତ ଭାବରେ ଜାଣନ୍ତି, ପୃଥିବୀର ସବୁ ପଞ୍ଜୁରୀବଦ୍ଧ ପକ୍ଷୀମାନଙ୍କର ସଙ୍ଗୀତ । ତାଙ୍କର ସେଇ ପ୍ରସିଦ୍ଧ ସ୍ମୃତି କଥାର ଆରମ୍ଭଟି ଗୋଟିଏ କବିତାଂଶରୁ । ତାହା ହେଉଛି:

"ତମେ କ'ଣ ଦେଖୁଛ ମୋ ଭିତରେ ?

ମୁଁ ଆସି ନଥିଲି ଏଇଠି ରହିବାକୁ....."