ପାରଳାଖେମୁଣ୍ଡିର ଧାନରୁଆଳି ଗୀତ

ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ତଳି ଭାଙ୍ଗି ଗଲି ଏକା

ତଳି ଭାଙ୍ଗି ତଳି କଚାଡ଼ି ପକା 

ଜୁଡ଼ା ଭାଙ୍ଗି ଫୁଲ ଦେଖା ।

ମହୁଲ ଭାଙ୍ଗିଲା କୁଞ୍ଚିି

ଝାଲିଆ ମୟୁର ଝାଲ ବିଞ୍ଚିଛି

ଝରଣିଆ ପାଣି ଦେଖି ।

ଚିରିଲି ଚେରୁଆ କାଠ

ଶୀତ କଲେ ବନ୍ଧୁ ପାଖକୁ ଆସ

ପାଖକୁ ଆସ ହେ, ଘୋଡ଼ାଇବା ଯୋଡ଼ା ମାଠ ।

କବାଟ କଣେ ବାରିସି

ମୁଖକୁ ଦେଖିଲେ ଲାଜ ଲାଗୁଛି

ଲାଜ ଲାଗୁଛି ଯେ ବନ୍ଧାଇବା ଆମ୍ବ କଷି ।

କଞ୍ଚା ମରିଚର ଗଡ଼ି

ଯୋଉଦିନୁ ଗଲେ ସାଙ୍ଗର ଘଡ଼ି

ଦେହ ଯାଉଥିଲା ଝଡ଼ି ।

କାକୁଡ଼ିକି ଦେଲି ରଞ୍ଜା

ବୁକୁ ପଣତରେ ଚାଉଳ ଭଜା

ହାତରେ ଡାଳିମ୍ବ ଖଜା ।

ଦୀପ ସୀସା ତଳେ କଳା

ତୋଠୁ ବଳି ନାହିଁ ଅମୁଲ ତରା 

ଝଲକି ନ ପଡ଼େ ଧରା ।

ଆଠଗଡ଼ ବୋଇରାଣୀ

ଶୁଖିଲା ପତର ପଇଡ଼  ପାଣି

ବୁଢ଼ୀକାଳେ ଭୁଆସୁଣୀ ।

ଉତ୍ସ - ଶ୍ରୀ ପ୍ରସନ୍ନ କୁମାର ମିଶ୍ର କୃତ 'ଓଡ଼ିଆ ଲୋକଗୀତ' । ସାହିତ୍ୟ ଅକାଦେମୀ : ୨୦୧୩ (୧୯୯୪) ।