କବିତା - 'ଦୁଇ ଚିତ୍ର ମଝିରେ'
କବି - ସିଦ୍ଧାର୍ଥ ମହାପାତ୍ର
ଅନୁବାଦ – ବିଶ୍ୱଜିତ ଆପଟ
ପୂଜା
କରିବାର ଅସ୍ଥାୟୀ ଜାଗାଟିଏ
ଯେଣୁତେଣୁ
ପ୍ଲାଇ ଯୋଡି ଗଢା ହୋଇଛି
ମୋ
ମାଆର ଶୋଇବା ଘରର ଗୋଟେ କୋଣରେ ।
ଅସୁନ୍ଦର
ମଲାଟ ସାଜିଥିବା
ସ୍ଥାନୀୟ
ଖବର କାଗଜର ମଝିପୃଷ୍ଠାର
ଚିରା
ଫାଙ୍କସବୁ ଦେଖାନ୍ତି
ମୋ
ଜେଜେମା’ଙ୍କ ଶାଳ ପଲଙ୍କରୁ
ଚିରାଯାଇଥିବା ପଟା କେତୋଟି,
ଯାହା
ପାଲଟିଥିଲା ବୁଢିଆଣୀଙ୍କ ଚରାଭୂଇଁ;
ସେଇ
ଦିନ ଯାଏଁ,
ଯେବେ
ମାଆର ଧର୍ମନିଷ୍ଠା
ହଠାତ
ନିଜକୁ ଜାହିର କରିବାର ନିଷ୍ପତ୍ତି
ନେଲା,
ଆଉ
ସେ ପଲଙ୍କକୁ ପାଞ୍ଚୋଟି ସମାନ
ଭାଗରେ ଭାଙ୍ଗି,
ପ୍ରତ୍ୟେକଟିରେ
ଶସ୍ତା ସାବଜା ରଙ୍ଗ ବୋଳି
ତାଙ୍କୁ
କାନ୍ଥରେ ଟାଙ୍ଗି ଦେଲା ।
ପାଞ୍ଚୋଟି
ବନ୍ଧେଇ ଫୋଟର,
ଓ
ତିନୋଟି ମୁରୁକିହସା ଠାକୁର
ମୂର୍ତ୍ତିର,
ଏବେ
ସେମାନେ ସାଜନ୍ତି ବିଶ୍ରାମାଗାର
।
ସେଥିରୁ
ଗୋଟିଏ ଫଟୋ ପୁରୁଣା କ୍ୟାଲେଣ୍ଡରରୁ
କଟା
ଆଉ
ପ୍ଲାଷ୍ଟିକ ଓ କାଚରେ ବନ୍ଧା;
ବାହୁବଳୀ
ନୀଳ ବର୍ଣ୍ଣ ଶିବ ଧ୍ୟାନ ମୁଦ୍ରାରେ,
ପାଖରେ
ଗୋଲଗାଲ ହସହସ ପାର୍ବତୀ
(ଯିଏ
କିଛି ବର୍ଷ ପୂର୍ବର ଜନୈକା
ଅଭିନେତ୍ରୀଙ୍କ ପରି ଦିଶୁଛନ୍ତି,
ଯାହାଙ୍କ
ନାମ ମୋର ମନେ ପଡୁନାହିଁ )
।
ହାତୀ
ମୁଣ୍ଡ ଧାରଣପୂର୍ବକ ବାଳକ ଗଣେଶ
ତାଙ୍କ କୋଳରେ ବସି
ହୃଷ୍ଟପୃଷ୍ଟ,
ଶ୍ୟାମଳ
କାର୍ତ୍ତିକଙ୍କ ଉପରେ ଏକ ବେପରୁଆ
ହସ ହସନ୍ତି ।
ପ୍ରଚ୍ଛଦପଟରେ
ଆମର ଅତି ପରିଚିତ
ବରଫାଚ୍ଛାଦିତ
ଶିଖରମାଳା;
ଏକ
ଶୁଭ୍ର ଜଳପ୍ରପାତ
ଓ ଝୁଲନ୍ତ ଓହଳମାନଙ୍କର
ଏକ
ରଙ୍ଗୀନ ସମାବେଶ ।
ପାରିବାରିକ
ଆନନ୍ଦର ଏକ ସୁନ୍ଦର ଚିତ୍ରଣ ।
ଆର
ପଟ କାନ୍ଥରେ
ଝୁଲୁଛି
ମୋ ପରିବାରର ଫୋଟ,
ଧାତବ
ଫ୍ରେମ୍ ରେ ବନ୍ଧେଇ ହୋଇ ।
ଏ
ଫଟୋର ଚରିତ୍ରମାନେ
ପୂର୍ବ
ଆଲୋକଚିତ୍ରଟି ପରି ଦିଶିବାକୁ
ଉଦ୍ୟତ ;
ହେଲେ
ଏମାନଙ୍କ ଆକାର କେବଳ ଅଲଗା,
ଟିକେ
ବେଶୀ ମାନବୀୟ ।
ପଛ
ପଟ ସିନେରୀ
ବି,
ଯାହା
ଅଜନ୍ତା ଷ୍ଟୁଡିଓର ଏକ ପର୍ଦ୍ଦା,
ଆର
ଚିତ୍ରର ଏକ ନିମ୍ନମାନର ସଂସ୍କରଣ
ମାତ୍ର ।
ଜଣେ
କିଏ ରଚିଛି ଏକ ନିଷ୍ଠୁର ପରିହାସ
ଆଉ
ଥୋଇଛି ଏହି ଚିତ୍ର ଦୁଇଟିକୁ
ବିପରୀତ
ଦିଗରେ,
ଗୋଟିଏ
କର୍ଣ୍ଣର ଏପଟେ ସେପଟେ ।
ସେମାନଙ୍କ
ଚାହାଣୀ ସ୍ଥିର ।
ଚିତ୍ର
ଦ୍ୱୟ ଚାହୁଁଛନ୍ତି ପରସ୍ପରକୁ,
ଆଉ
କଥାଭାଷା ହେଉଛନ୍ତି ।
ମୁଁ
ଉଭୟ ଠୁଁ ସମାନ ଦୂରରେ
ଗୋଲ
ଗୋଲ ଘୁରେ
ବୁଝିବାକୁ
ସେଇ ସାଙ୍କେତିକ ଇଶାରା ସବୁକୁ
।
କିଏ ପାର୍ବତୀଙ୍କୁ ପଚାରିବସେ,
କ’ଣ
ଶିବ ମଧ୍ୟ ଏକ ପ୍ରବଞ୍ଚକ ?
ଆଉ
ଜଣେ ଶିବଙ୍କୁ ପଚାରେ,
କାଳେ
ବିକୃତ ଗଣେଶ ବି ନିରାଶ କରନ୍ତି
।
ମୁଁ
ଉତ୍ତର ପାଇଁ ଅପେକ୍ଷା କରେନା ।
କୁହୁଡି
ପରି ଓହ୍ଲେଇ ଆସେ ଏକ ଭାରିପଣ,
ମୋତେ
ଘୋଡେଇ ପକାଏ ।
ମୁଁ
ବିଛଣାରେ କଡ଼ ଲେଉଟାଏ ।
ପାଞ୍ଚ
ବର୍ଷର ଶିଶୁ ହୋଇ ମୁଁ ହସେ;
ଗୋଲ
ଗୋଲ ଚଲାଏ ମୋ ତିନି ଚକିଆ ସାଇକେଲ,
ସେଇ
ପୁରୁଣା ଅଗଣାରେ
।
ସେତେବେଳେ
ଜେଜେମା ହାତ ଠାରେ,
ହସେ,
ଆଉ
ମୋତେ ଭିତରକୁ ଡାକିନିଏ ।
ବି.ଦ୍ର. - କବିତାର ଏହି ଅନୁବାଦଟି ୧୨ ମାର୍ଚ୍ଚ ରେ ପ୍ରକାଶିତ ଦୈନିକ ସଞ୍ଚାରର ସାହିତ୍ୟ ପୃଷ୍ଠାରେ ଛପାଯାଇଥିଲା ।
ବି.ଦ୍ର. - କବିତାର ଏହି ଅନୁବାଦଟି ୧୨ ମାର୍ଚ୍ଚ ରେ ପ୍ରକାଶିତ ଦୈନିକ ସଞ୍ଚାରର ସାହିତ୍ୟ ପୃଷ୍ଠାରେ ଛପାଯାଇଥିଲା ।
No comments:
Post a Comment