ସ୍ୱାଧୀନତା ଆନ୍ଦୋଳନର କବିତା - 'କାହୁଁ ଅଇଲେ ବିଦେଶରୁ  ବେପାରୀ'

କବି - ବାଞ୍ଛାନିଧି ମହାନ୍ତି (୧୮୯୭-୧୯୩୮)

୧୯୩୦ ଦଶକର ବାଜାର ଆର୍ଟ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

କାହୁଁ ଅଇଲେ ବିଦେଶରୁ ବେପାରୀ
ସବୁ ସାଇଲେ ହେଲୁ ଆମେ ଭିକାରୀ ।ଘୋଷା।

ଇଂରାଜୀ-ଇରାନୀ-ଜର୍ମାନୀ-ଜାପାନୀ
ଚିନା, କାବୁଲି ଏ ଦେଶ ସେ ପାରି ।୧।

ଚକ ଚକ ଚାଇନା ମାଟିର ବାସନ
ସାରିଦେଲା ବୃତ୍ତି ଦେଶ କଂସାରି ।୨।

ଫରାସୀର ଫେନ୍ସି କାମ - ଜାପାନର ଶସ୍ତା ନାମ
କଟ୍ଲେରି ହୁସିଏରି ସୁଇଟ ସେଣ୍ଟ ପରଫ୍ୟୁମେରି
କାଚ ଶଂଖା ମାରିଦେଲା ଶଂଖାରୀ ।୩।

ନକଲି ଖଦର ଜାପାନ ଚଦର
ଗାନ୍ଧି ଲୁଗାକୁ ହେଲା ଭଗାରି ।୪।

ଉତ୍ସ - ଶ୍ରୀ ଚିନ୍ତାମଣି ବେହେରାଙ୍କର ଦ୍ୱାରା ସଙ୍କଳିତ ତଥା ସମ୍ପାଦିତ 'କବିତା ଯେବେ ଥିଲା ମନ୍ତ୍ର' । ପ୍ରକାଶନର ସ୍ଥାନ ଭୁବନେଶ୍ୱର ।  ଓଡ଼ିଶା ସାହିତ୍ୟ ଏକାଡ଼େମୀ ଦ୍ୱାରା ୨୦୦୪ ମସିହାରେ ପ୍ରକାଶିତ ।