ଓଡ଼ିଆ ସିନେମା ଗୀତ - 'ଚରଣ କମଳ ବନ୍ଦେ'

ଗୀତର ୟୁଟ୍ୟୁବ ଲିଙ୍କ - https://www.youtube.com/watch?v=y8U9KphgAUs

ଗୀତର ଗାୟିକା - ଏସ. ଜାନକୀ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ଚଳଚିତ୍ର - ଶ୍ରୀ ଜଗନ୍ନାଥ (୧୯୭୯)

ସଙ୍ଗୀତ - ଅକ୍ଷୟ ମହାନ୍ତି 

କଣ୍ଠ - ଏସ. ଜାନକୀ  

ଗୀତିକାର - ଶୀର୍ଷାନନ୍ଦ ଦାସ କାନୁନଗୋ 

ଚରଣ କମଳ ବନ୍ଦେ ଚତୁରାନନ !

ସର୍ଜନା କଲ ଚାରିମୁଖୁ ବେଦ,

ଅଖିଳ ସୁନ୍ଦର ଭୁବନ,

ଚରଣ କମଳ ବନ୍ଦେ ଚତୁରାନନ !

ଦେବଲୋକ, ନରଲୋକ, ନାଗଲୋକ,

ଗ୍ରହ, ତାରା, ନଭ, ଜଳ ତୁମ ରୂପରେଖ,

ବିଧି ତୁମ ଲେଖନରେ ହୁଏ ନାହିଁ ଆନ,

 ଚରଣ କମଳ ବନ୍ଦେ ଚତୁରାନନ !

ତୁମ ଆଖି ପଲକରେ ଆହେ ପ୍ରଜାପତି,

ଧରା ପରେ ଯୁଗ ଯୁଗ ଯାଉଅଛି ବିତି,

ତ୍ରିଲୋକର କର୍ତ୍ତା ତୁମେ ଆହେ କମଳାସନ,

ଚରଣ କମଳ ବନ୍ଦେ ଚତୁରାନନ !