ମହିମା ଭକ୍ତି କବିତା - 'ଦିଅ ପରିତ୍ରାଣ'
କବି - ଭୀମ ଭୋଇ
 |
| ସଲିମ ଚିସ୍ତିଙ୍କର ମକବରାର ଜାଲି ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ଦିଅ
ପରିତ୍ରାଣ ଦାନ ସମ୍ଭାଳ ଶରଣ
ବିନତି
ଘେନ । ଘୋଷା ।
ଭାସି ଯାଉଛନ୍ତି ସୁଜ୍ଞଜନ
ବୀରବଧୂ ବାନା ଥାଉଁ ନୋହୁଛି କାରଣ ।୧।
ସର୍ବେ ହୋଇଲେଣି ରଣଭଣ
ଅନ୍ତର୍ଯ୍ୟାମୀ କର୍ତ୍ତା ବିଜେ କରିଛ ଆପଣ ।୨।
ଅଚେତାରେ ହଜିଲାଣି ଜ୍ଞାନ
ଦିନ ଗଣି ପିଣ୍ଡୁ ଛାଡି ଗଲାଣି ପରାଣ ।୩।
କିବା ଦୁଷ୍ଟ ସନ୍ଥ ଗୁରୁଜନ
ଆୟୁ ଥାଉଁ ଘୋଟିଲାଣି ଅକାଳ ମରଣ ।୪।
ପୋଡି ଯାଉଅଛି ତ୍ରିଭୁବନ
ଜଳ ବୁନ୍ଦେ ସିଞ୍ଚିବାକୁ ଶ୍ରୀଗୁରୁ ଭାଜନ ।୫।
ଭଣେ ଅରକ୍ଷିତ ଭୀମ ହୀନ
ବିକଳରେ ବସୁନ୍ଧରା ହେଉଛି ଉଚ୍ଛନ୍ନ ।୬।
No comments:
Post a Comment