Living in Bhubaneswar
Sunday, January 08, 2017
ଓଡ଼ିଆ ସିନେମା ଗୀତ - 'ଚଗଲା ପବନ ଚଗଲା'
ଗୀତର ୟୁଟ୍ୟୁବ ଲିଙ୍କ - https://www.youtube.com/watch?v=tIkFRyQwSok
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍
ଚଳଚିତ୍ର - ଅଭିଳାଷ (୧୯୮୪)
ସଙ୍ଗୀତ ଓ ଗୀତ - ସରୋଜ ପଟ୍ଟନାୟକ
କଣ୍ଠ - ହେମଲତା
ଚଗଲା ପବନ ଚଗଲା,
ଚଗଲି କାନି ମୋ ଚଗଲି,
ବୟସ ମୋ ଏମିତି,
ଯେତେ କାନି ବାନ୍ଧିଲେବି
ଯାଏ ସେ ଟିକେ ଟିକେ ହୁଗୁଳି ।
ତୁ ଅମାନିଆ ଚଗଲା ପବନ
ମୁଁ ବି ତ ନହୁଲି ବୟସୀ,
ଶିଉଳିର ଛାଇ ଶୁଖିଲା ଭୂଇଁରେ
ଚାଲିଲେ ମୋ ପାଦ ଯାଏ ଖସି,
ମେଘ ଭାସେ ଆକାଶରେ ପାଣି ତଳେ ଛାଇ,
ମନ ଉଡ଼େ ମେଘ ସାଥେ ଧରା ଦିଏ ନାହିଁ ।
ଏମିତି ମନ ନେଇ,
କେମିତି ଏକା ହୋଇ,
ରହିବି ଜାଣେ ନାହିଁ,
ଜାଣୁ କି ଝରଣା କହନା,
ମନଟା କି ଚିଜ କହନା,
ଏ ବୟସେ ମନ କିଆଁ ଏତେ ବେଶୀ ଚହଲେ ଯେ,
ସତେ କି ପଡ଼ିବ ଉଛୁଳି ।
କିଏ ମୋ ଭଅଁର,
କାହାର ମୁଁ ଫୁଲ,
ରାଣ ତତେ କହଲୋ କୋଇଲି,
ଗାଇଲେ ତୁ କୁହୁକୁହୁ,
କାହା ପାଇଁ ମନ ହୁଏ ଘାରି,
ଢ଼ଳ ଢ଼ଳ କାକର ମୁଁ ପଦୁଅଁ ପତରେ,
ଢ଼ଳିଯିବି କେଉଁ ଆଡ଼େ ଜାଣି ତ ନ ପାରେ ।
କିଏ ଆପଣା କରି,
ନେବରେ ମୋତେ ତୋଳି,
କରି ତା ଗଳା ମାଳି,
ଏ ଜାଣୁକି କୋଇଲି କହନା,
ଆଜି ମୁଁ ଜାଣି ବି ଅଜଣା,
କିଏ ସେ ମତେ ଥରେ ସାଥୀ ବୋଲି ଡ଼ାକିଦେଲେ,
ଯିବିଲୋ ମତେ ମୁଁ ପାଶୋରି ।
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment