ମହିମା ଭକ୍ତି କବିତା - 'ବହୁଛି ଅବନା ବାଇ'
କବି - ଭୀମ ଭୋଇ
 |
| ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ବହୁଛି ଅବନା
ବାଇ, ଦିବା
ନିଶି ଏକ ହୋଇ ।
କେ ପାଇଛ ଅନ୍ତଆଦ୍ୟ
ଚିହ୍ନି ରଖିଅଛ କାହିଁ । (ଘୋଷା)।
ମହାଶୂନ୍ୟ
ଶୂନ୍ୟେ ବାଟ ଅରୂପ
ଅବର୍ଣ୍ଣେ ଭେଟ
ପିଣ୍ଡ ବ୍ରହ୍ମାଣ୍ଡରେ
ଭେଦି ଧରି ନ ପାରିଲେ କେହି ।୧।
ନାହିଁ ଚେତା
ହେତୁଦ୍ୱାରେ ନ
ଥାଇ ମନ ଭିତରେ
କାୟା ଛାୟା
ମାୟାଠାରେ କାହିଁ କିଛି ନ ଲାଗଇ
।୨।
କାମନା କଳ୍ପନାଦ୍ୱାରେ
ନ ମିଶେ
ହେଜ ପାଞ୍ଚରେ
କେ ତାଙ୍କୁ
କରିବ ଠାବ ଯାର ନାହିଁ ହାଇ ଛାଇ
।୩।
ନ ପଶେ ଶବ୍ଦ
ଆକାରେ ଏକ୍ୱୈଶ
ପୁର ବାହାରେ
ସାର ବ୍ରହ୍ମ
ଏକପାଦ ରହିଛି ଗୁପତ ହୋଇ ।୪।
ସ୍ଥିତି ହସ୍ତିକୁ
ରଚିଲା କେଉଁ
ଭିତରେ ରହିଲା
ଯେ ତାଙ୍କୁ
ଭେଟାଇ ଦେବ ତା ପାଦ ଧରିବି ଯାଇ
।୫।
ନ ଘେନେ ସେବା
ଭକତି ଦର୍ଶନ
ଭଜନ ନାସ୍ତି
କହେ ଭୀମ ଅରକ୍ଷିତ
ନିଗମେ ରହିଲା ଯାଇଁ ।୬।
No comments:
Post a Comment