Friday, April 29, 2016

ଗୋରୁଙ୍କ ସମ୍ପର୍କରେ କିଛି ଓଡ଼ିଆ ଢ଼ଗ ଢ଼ମାଳି 


ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

୧. ଆଗେ ଚାନ୍ଦ, ପଛେ ଚାନ୍ଦ, ତାକୁ ନେଇ ମଝିଖୁଣ୍ଟରେ ବାନ୍ଧ ।

୨. ଆଣିଥିବୁ ମୂଳାଶିଙ୍ଗାକୁ ରସି, କାନ୍ଦୁଥିବୁ ହିଡ଼ମୁଣ୍ଡରେ ବସି ।

୩. କାଳି ଗାଈର ଦୁଧ ମିଠା ।

୪. କାଳିଆ ବଳଦ କସରା, ୟାଙ୍କୁ ନ କରିବ ପସରା ।

୫. ଖର ଗାଈର ଖୀର ସୁଆଦ ।

୬. ଗାଈପୁଅ ଅଣ୍ଡିରା, ଘରେ ନ ବାନ୍ଧେ ଜଣ୍ଡରା ।

୭. ଗାଈ ମୁହଁରେ ଦୁଧ ।

୮. ଗୁହାଳ ସୁତୁରା ଦେଖି ଗାଈ ହମାଳି ପଶେ ।

୯. ଗୋଠ ସୁଆର ଥିଲେ ଗାଈ ହମାଳି ପଶେ ।

୧୦. ଗୋଠ ଖଣ୍ଡିଆ ଗାଈ ।

୧୧. ଗୋଠଖଣ୍ଡିଆର ଗୋସେଇଁ ମରେ ।

୧୨. ଗୋଠ ମାତିଲେ ଖଣ୍ଡିଆ (ହଡ଼ା) ମାତେ ।

୧୩. ଗୋଠେ ଅଣ୍ଡିରା, ଘରେ ମାଇ, ବଂଶ ବୁଡ଼ିଲାରେ ଭାଇ ।

୧୪. ଘଣା-ବଳଦ, ଘଣାରୁ ଫିଟିଲେ ଥୋଡ଼ିକି ଲଦ ।

୧୫. ଘଣା-ବଳଦର ଗୋଠରେ କି ସମ୍ବନ୍ଧ ।

୧୬. ତେଲୀ ଘର ଗୋରୁ, ଗାଡ଼ିରେ ନ ଗଲେ ଘଣାରେ ମରୁ ।

୧୭. ତେଲୀ ଘର ଗୋରୁ, ଘଣା ଓଟରାରୁ ଲଦନ ଗୁରୁ ।

୧୮. ତେଲୀ ବଳଦ, ଘଣାରେ ନ ଗଲେ ପଲାଣ ଲଦ ।

୧୯. ଦୁଧ ଯେବେ ଖାଇ ମନେ କରିବ ଘରେ ଥିବ ଗାଈ,
        କଳି ଯେବେ କରି ବସିବ ସଙ୍ଗେ ଥିବ ଭାଇ ।

୨୦. ଦୁଧର ବାଛୁରୀ, ପାଣିର ଧାନ ।

୨୧. ଫଁ ଫଁ ବଳଦ ମାରେ ନାହିଁ । 

No comments:

Post a Comment