ଦୁଇଟି ପୁଚି ଗୀତ

ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

ଚିକି ଚିକି ଚିକେଇ ଲୋ 

ଚିକି ଚିକି ଚିକେଇ ଲୋ ମରଦ ଲଗେଇ ଲୋ

ଘଷି ସାଉଣ୍ଟି ପୋଇଲି ଝିଅ ଢ଼ଙ୍ଗ ଦେଖେଇ ଲୋ ।

ଢ଼ିଙ୍କିରେ କୁଟିଲେ ମସୁର 

ମୋର ଟିଙ୍ଗିଟିଙ୍ଗିଆ ଶଶୁର,

ଢ଼ିଙ୍କିରେ କୁଟିଲି ଅଗାଡ଼ି

ଦେଖି ମରୁଥିବେ ଭଗାରୀ,

ଢ଼ିଙ୍କିରେ କୁଟିଲି ଚଷୁ 

ଟୋକୀ ନଣନ୍ଦ ମୋ ସାଙ୍ଗ ସରିସା

ବେଗେ ଶାଶୁ ଘରୁ ଆସୁ । (ବାଙ୍କି) 

ପୁଚି ଖେଳ

ପୁଚି ଲୋ 

ଯା ଯା ଘୁଞ୍ଚି ଲୋ ।

ଗହିରି ବିଲରେ ମଇଁଷି

ଧାନ କେଣ୍ଡା କେଣ୍ଡା ଖାଉଚି

ଅଡେଇ ଦେ ରେ ଗଉଡ ଭାଇ

ବୋହୂ ବାପଘର ଯାଉଛି ।

ବୋହୂ ବାପଘର ଦୂର ରାଇଜ

ମଝିରେ ପଡ଼ିବ ନଈ

ବୋହୂ ଘରେ ଯୋଉ ଦଦରା ମାଠିଆ 

ବୋହୂ ନେବ ପାଣି ବୋହି । (ତିଗିରିଆ)

ଉତ୍ସ - କେନ୍ଦ୍ରିୟ ସାହିତ୍ୟ ଅକାଦେମୀ ଛାପିଥିବା (ପ୍ରଥମ ପ୍ରକାଶ ୧୯୯୪ : ଦ୍ୱିତୀୟ ସଂସ୍କରଣ ୨୦୧୩) ଓ ପ୍ରସନ୍ନ କୁମାର ମିଶ୍ର ସଙ୍କଳନ କରିଥିବା 'ଓଡ଼ିଆ ଲୋକଗୀତ'ରୁ ସଙ୍ଗୃହିତ ।