ସାତଟି ନାଁ ଦିଆ ଢ଼ଗ
ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ |
୧. ଶଙ୍ଖ ପୋଖରୀରେ ପଙ୍କ ନାହିଁ
ପଙ୍କ ପୋଖରୀରେ ମାଛ ନାହିଁ ।
(ପଇଡ଼)
୨. ଶଙ୍ଖ ବନ୍ଧରେ ପଙ୍କ ନାହିଁ
ଜାଲ ପକାଇଲେ ମାଛ ନାହିଁ ।
(ପଇଡ଼)
୩. ଶଶୁର, ଜୋଇଁ, ଶଳା, ଭିଣୋଇଁ
କଂସା ତିନିଖଣ୍ଡି ଖାଇବେ କାହିଁ ?
(ଶଶୁର, ଶଳା, ଭିଣୋଇଁ - ଏ ତିନି ଜଣଙ୍କ ଲାଗି ତିନିଖଣ୍ଡ କଂସା । ଶଶୁରର ଜୋଇଁ, ଶଳାର ଭିଣୋଇଁ, ଏକା ଲୋକ ।)
୪. ଶାଗୁଆ ବସନ ପିନ୍ଧି ମାହାରୀ
ଗର୍ଭରେ ଥାଇ ମୁଷଳ ଭରି
ମୁଷଳକୁ କରି ବାହାର
ତାକୁ ଖାଆନ୍ତି ସଂସାର ନର ।
(ଧାନ)
୫. ଶିଲ୍ ତଲେ ମୁଠାଏ ଲିଆ ।
(ଦାନ୍ତ)
୬. ଶିଷ ଭେଣ୍ଡିଆ
ଫୁଲ ଫୁଟିଅଛି ଶେତ ମୁଣ୍ଡିଆ
ଗୁରୁ ଗୋସାଇଁ
ଫୁଲ ଫୁଟିଅଛି ପାଖୁଡ଼ା ନାହିଁ ।
(ଛତୁ)
୭. ଶୁଖା ବନ୍ଧେ ବଗ ଫଡ଼ ଫଡ଼
(ଲିଆ)
ଉତ୍ସ - ଶ୍ରୀ କୁଞ୍ଜବିହାରୀ ଦାଶ କୃତ 'ଲୋକବାଣୀ ସଞ୍ଚୟନ' - ଷଷ୍ଠ ଭାଗ ।
No comments:
Post a Comment