ତିନୋଟି 'ଦନାଇ ବଚନ' 

ସଜନା ଫୁଲ
ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

୧

ସଞ୍ଚାଣକୁ ଯେବେ ଦେଖଇ ପାରା

ବାଟୋଇ ଯେବେ ଦେଖେ ନଦୀଭରା

ଦିନ ଘୋଡ଼ା ଘୋଡ଼ା ରାତିକୁ ତରା 

ସକାଳ ପହରେ ବରଷାକରା 

ଧାନ ଉଷୁଆଁକୁ ନ ଆସେ ଖରା 

ଗହୀରା କୂଅକୁ ବୋଦକା ଗରା 

ନାଜିମାତ ଲୋକ ହେଲେ ମଗରା 

ରଜାଘରୁ ଯେବେ ଆସେ ଡଗରା 

ପୋଷା ପୁଅ ଯେବେ ହୁଏ ଛତରା 

ବୋଲେ ଦନାଇ ହୁଏ ଛାତିଥରା ।

୨

ସଜନା ଖୁଣ୍ଟ, ଗରୀବ ଆଣ୍ଟ

ଅଦିଆ କଣ୍ଟ, ଗବର ବେଣ୍ଟ,

ଚାକର ଖେଣ୍ଟ, ଦଦରା ଘଣ୍ଟ,
ବେପାରୀ ରେଣ୍ଟ,
କହେ ଦନାଇ ଏ ନୁହଁ ସଲଣ୍ଟ ।

୩

ସଜନା ଶାଗ ବଛାକୁ 

ଚିରା କରିଆ କଛାକୁ

ତବତ ଭାତ ତୁଚ୍ଛାକୁ

ପଣ୍ଡିତ ଲୋକ କୁତ୍ସାକୁ 

ବଣିଆ ଗାଲମୁଚ୍ଛାକୁ

ଦନାଇ ବାର୍ତ୍ତା ପୁଚ୍ଛାକୁ (ଅଡ଼ୁଆ)

ଉତ୍ସ - ଶ୍ରୀ କୁଞ୍ଜବିହାରୀ ଦାଶ କୃତ 'ଲୋକବାଣୀ ସଞ୍ଚୟନ' - ଷଷ୍ଠ ଭାଗ ।