ମହିମା ଭକ୍ତି କବିତା 'ଭଜ ଅଲେଖ ବ୍ରହ୍ମଙ୍କୁ'

ସନ୍ଥ କବି ଭୀମ ଭୋଇ

ଆମେରିକାର ଜାତୀୟ ଅଭିଲେଖାଗାରର ଦରଜା
ୱାସିଙ୍ଗଟନ ଡ଼ି.ସି.
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ଭଜ ଅଲେଖ ବ୍ରହ୍ମଙ୍କୁ
ଈଶ୍ୱର ଧ୍ୟାୟି ଅଛନ୍ତି ଯେଉଁ ନାମ ଅଜପାକୁ । ଘୋଷା ।

ଦିବାନିଶି ହରିହର ଧ୍ୟାୟିଛନ୍ତି ଯା ପୟର

ସେ ପାଦକୁ ଚିହ୍ନି ଧର ଛେଦ ମୋହନ ମଦକୁ ।୧।

ଏକାକ୍ଷର ଥାଅ ଧ୍ୟାୟି ଯୁଗେ ଯୁଗେ ଥିବୁ ରହି

ଜନ୍ମ ମୃତ୍ୟୁ ନ ଲାଗଇ ଚିହ୍ନି ଧର ଧର ତାଙ୍କୁ ।୨।

ଛାଡି ଏ ସକଳ ଦ୍ୱନ୍ଦ ଭଜ ଏକା ନିରିବେଦ

ଛପ୍ନାକୋଟି ଜୀବଜନ୍ତୁ ନ ଚିହ୍ନି ସ୍ୱାମୀ ପାଦକୁ ।୩।

ଚାରିବେଦ ଚାରିଗ୍ରନ୍ଥ କୀଟ ପତଙ୍ଗ ଯେ ଯୁକ୍ତ

ଶୁଷ୍କପତ୍ର ସଙ୍ଗେ ଲକ୍ଷ୍ୟ ଛାଡି ଜପ ଅଜପାକୁ ।୪।

ଚାଣକ୍ୟ ବିଧାନ ପାଠ ଏ ସବୁ ଅଟନ୍ତି ଶାଠ

ସାରସ୍ୱତ ବ୍ୟାକରଣ ତେଜି ଜପ ଅରୂପକୁ ।୫।

ଏକାଦଶ ଯାହା କହି ମାତାର ପଦ୍ମ ସେ ହୋଇ

ତହିଁରେ କି ଲାଭ ପାଇ ଛାଡି ଜପ ନିର୍ବେଦକୁ ।୬।

ନ ଭଜ ନର ବିଷ୍ଣୁଙ୍କୁ ନ ଭଜ ବୃନ୍ଦାବତୀଙ୍କୁ

ମାୟା କଳ୍ପଣାଟି ସେହି ଚିହ୍ନି ଧର ନିଗମକୁ ।୭।

ଅଷ୍ଟାଦଶ ପୁରାଣିକ ଏ ସର୍ବେଟି ଅବିବେକ

ଗତିମୁକ୍ତି କିଛି ନାହିଁ ତେଜି ଧର ଅନାମକୁ ।୮।

ଭଣିଲେ ଯେ ଭୀମକନ୍ଧ ପଦ ଅଟଇ ବିଚ୍ଛନ୍ଦ

ଜ୍ଞାନୀଜନ ଚିହ୍ନି ଧର ଭଜ ଅନାମ ରୂପକୁ ।୯।