ମହିମା ଭକ୍ତି କବିତା - 'ଯାଇଁ ଶରଣ ମାଗ'
କବି - ଭୀମ ଭୋଇ
ପାତାଳ ଲୋକର ପାରମ୍ପାରିକ ଚିତ୍ରଣ ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ଯାଇଁ
ଶରଣ ମାଗ।
ଗୁରୁପାଦ
ବିନ୍ଦେ ହୋଇଲେ ଯୋଗ୍ୟ । ଘୋଷା ।
ଏକା
ଜଣକର ନୁହଁନ୍ତି ଠାକୁର
ଅଛି
ସବୁରି ଭାଗ ।
କୋଠ
ଲୋକ ହେବ ଅନ୍ତର ନୋହିବ
ଯେଉଁମାନେ
ଭଜୁଥିବେଟି ଆଗ ।୧।
ଦୟା
ଯେବେ ହେବ ଏ ପିଣ୍ଡ ରହିବ
ଚାରିଯୁଗରେ
ଥିବ ।
ଯା’ର
ମନ ଇଚ୍ଛା ଅଛି ଯେଉଁ ବାଞ୍ଛା
ନିଶ୍ଚେ
ପରାପତ ତାହାଙ୍କୁ ହେବ ।୨।
ମହା
ଘୋର କଥା କରିବେ କରତା
କହିଲେ
ଅସମ୍ଭବ
ଦିନୁ
ଦିନୁ ଦେଖ ତିନି ତ୍ରଇଲୋକ୍ୟ
ମାଡିଯିବେ
ଭକ୍ତ ଏ ଚଉଦିଗ ।୩।
ଅପୂର୍ବ
କାହାଣୀ ହେବ ଏ ମେଦିନୀ
ବେନି
ଡୋଳେ ଦେଖିବ ।
ଅଲେଖ
ମହିମା ଯେବେ ନ ଭଜିବ
ରବି
ତଳେ କାହିଁ ମିଳିବ ଠାବ ।୪।
ଦେଉଅଛି
ଡାକ ତିନିପୁର ଯାକ
ଚେତାରେ
ଯେ ଧରିବ ।
ସାଧିଲେ
ସୁଜ୍ଞାନ ରହିବ ବିହନ
ବ୍ରହ୍ମଅଙ୍ଗ
ଲୋକ ସେ ବୋଲାଇବ ।୫।
କଳିକ୍ଷୟ
ଯିବ ଧର୍ମ ପ୍ରକାଶିବ
ହେଲାଣି
ସତ୍ୟ ଶୁଭ ।
ଗୁରୁପାଦ
ଧ୍ୟାୟି ଭଣେ ଭୀମ ଭୋଇ
କବିକୃତ
ପଦ ଯୋଗ୍ୟ ହୋଇବ ।୬।
No comments:
Post a Comment