ମହିମା ଭକ୍ତି କବିତା - 'କରୁଅଛି ମୁଁ ବିନତୀ'
ସନ୍ଥ କବି ଭୀମ ଭୋଇ
ଯୁକ୍ତରାଜ୍ୟ ଆମେରିକାର ମୋହାୱେ ମରୁଭୂମିରେ ମେଘମାଳା ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
କରୁଅଛି
ମୁଁ ବିନତୀ ।
ଶୂନ୍ୟ
ଅଭୟ ପୟର ଚିନ୍ତି ଯେ । ଘୋଷା ।
ଲଗାଇଛି
ଲୟେ,
ଗୁରୁ
ପଦ୍ନ ପାୟେ
ନ
ଜାଣଇ ଦିବାରାତି ।
କଳିଯୁଗେ
ମୁଁ ତ,
ନର
ଅଙ୍ଗେ ଜାତ
ଅଟେ
ଅଳପ ଶକତି ଯେ ।୧।
ନାନା
କର୍ମ କରି,
ଚେତା
ନ ସୁମରି
ନୁହଇ
ଗୁରୁ ଭକତି ।
ଅନୁକ୍ଷଣେ
ମୋତେ,
ସୁସ୍ଥ
ନାହିଁ ଚିତ୍ତେ
ବିଷୟା
ଧନ୍ଦାରେ ମାତି ଯେ ।୨।
ନ
ପଶେ ହୃଦୟେ,
ନ
ଭେଦଇ କାୟେ
ନାହିଁ
ମୋର ଜ୍ଞାନ ଗତି ।
କାଳ
ଖଡ୍ଗ କାଟି,
ପକାଉଛି
ବାଣ୍ଟି
ମନ
ପଚିଶ ପ୍ରକୃତି ଯେ ।୩।
ନିଶବଦ
ଘରୁ,
ଉଦେ
ହେଲେ ଗୁରୁ
ବିଜେ
କଲେ ଏ ଧରିତ୍ରୀ ।
ସଂସାର
ସାଗରେ,
ଦିଗ
ଦିଗାନ୍ତରେ
କଳି
ଘୋଟିଅଛି ପୃଥ୍ୱୀ ଯେ ।୪।
ଦେଖ
ଦେଖ ପ୍ରଭୁ,
ପାପ
କର୍ମ ଯୋଗୁଁ
ହୋଇଲାଣି
ଅପକୀର୍ତ୍ତି ।
ଏ
ପିଣ୍ଡ ବ୍ରହ୍ମାଣ୍ଡ,
ଯେମନ୍ତେ
ରହିବ
ଭାରା
ଛେଦି କର ସ୍ଥିତି ଯେ ।୫।
ଅଶେଷ
ଭୁବନ,
ଶୁଣ
ସର୍ବଜନ
ଡାକ
ଦେଉଅଛି ନିତି ।
ଭଣେ
ଭୀମହୀନ,
ପାମର
ଅଜ୍ଞାନ
ଗୁରୁ
ପାଦେ ଦେଇ ମତି ଯେ ।୬।
No comments:
Post a Comment