ଗୋପବନ୍ଧୁ ଦାଶ କୃତ କଠୋପନିଷଦ୍ ର ଓଡ଼ିଆ ପଦ୍ୟାନୁବାଦ 

ଦ୍ୱିତୀୟ ଅଧ୍ୟାୟ 

ତୃତୀୟା ବଲ୍ଲୀ : ମନ୍ତ୍ର ୧୧

ପଦ୍ମାସନରେ ବର୍ଦ୍ଧମାନ ମହାବୀର ଙ୍କର ମୂର୍ତ୍ତି
ମଦୁରାଇ ନିକଟସ୍ଥ କିଳକୁଇଲକୁଡ଼ିଠାରେ ଅବସ୍ଥିତ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ବାହ୍ୟ ବିଷୟରୁ ଯେବେ ଇନ୍ଦ୍ରିୟ ବିରତ

ହୃଦୟ କମଳେ ହୁଏ ମନ ଅଧିଗତ ।

ମାନସ ଧାରଣା ଦୃଢ଼ ସ୍ଥିର ସୁନିଶ୍ଚିତ

ହରଷ ବିଷାଦେ ତିଳେ ନୁହେଁ ବିଚଳିତ ।

ଯୋଗେ ଅଧିରୂଢ଼ ତେବେ ସାଧକର ମତି

ହୁଏ ହୃଦେ ପୂର୍ଣ୍ଣାନନ୍ଦ ଆତ୍ମ ଅବଗତି ।

କଠିନ ଏ ଯୋଗମାର୍ଗ ଦୁଃସାଧ୍ୟ ସାଧନ

ଅଳପ ବିକ୍ଷିପ୍ତ ବ୍ୟଗ୍ର ହେଲେ ଏଥି ମନ ।

ପ୍ରମାଦେ ବିଷମ ଗତି ଘଟେ ଅକସ୍ମାତେ

ପଡ଼ି ସାଧକ ମହା ଦୁସ୍ତର ବିତ୍-ପାତେ । 

ତେଣୁ ଅତି ସାବଧାନେ ଏକାଗ୍ର ମାନସେ

ନିରୋଧି ଇନ୍ଦ୍ରିୟଗଣ ରଜନୀ ଦିବସେ ।

ଜ୍ଞାନ-ଦୀପ ଜାଳି କର ଚିତ୍ତ ସମାହିତ 

ଆତ୍ମ ଦରଶନେ ଯେବେ ବାଞ୍ଛ ନିତ୍ୟ ହିତ । (ନ.ଉ. ୨।୩।୩୮-୩୯)