ଦକ୍ଷିଣ ଆଫ୍ରିକୀୟ କବି - ଭୋନାନି ବିଲା (୧୯୭୨ - )
ଦକ୍ଷିଣ ଆଫ୍ରିକାର ପ୍ରସ୍ତର ଚିତ୍ର ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ଭୋନାନି ବିଲାଙ୍କର ଜନ୍ମ ଗୋଟିଏ
ଗରିବ ପରିବାରରେ, ୧୯୭୨
ମସିହାରେ;
ଉପରେ
ଚାରି ଭାଉଣୀ,
ତଳେ
ତିନି । ଇସ୍କୁଲ୍ ଯିବା ପାଇଁ
ତାଙ୍କୁ ଦୈନିକ ଚଉଦ
କି.ମି.
ବାଟ
ଚାଲିବାକୁ ପଡ଼ୁଥିଲା । ବିଦ୍ୟାଳୟ
ଶିକ୍ଷା ପରେ ସେ ତିଭୁମ୍ବେନୀ
କଲେଜ ଅଫ ଏଜୁକେଶନ ରେ ଉଚ୍ଚଶିକ୍ଷା
ଲାଭ କଲେ
। ସେ ତିମ୍ବିଲା କବିତା ପ୍ରଜେକ୍ଟ୍
ର
ଉଦ୍ୟୋକ୍ତା ।
ଏହି ପ୍ରଜେକ୍ଟ୍ ଦ୍ୱାରା ନାନା
କବିତା ବହି ତଥା ତିମ୍ବିଲା ନାମକ
ଏକ ସାହିତ୍ୟ ପତ୍ରିକା ପ୍ରକାଶ
ପାଇଅଛି । ଏହି ପ୍ରକ୍ରିୟାରେ
ଅନେକ ଦଳିତ,
ନିଷ୍ପେଷିତ
କବିମାନଙ୍କର କବିତା ଛପାଯାଇ
ପାରିଛି । ବିଲା କବିତା ଲେଖିବା
ଛଡ଼ା ନିଜ କବିତାଗୁଡ଼ିକୁ ମଞ୍ଚ
ଉପରେ ପ୍ରଦର୍ଶିତ ମଧ୍ୟ କରନ୍ତି
। ବର୍ଣ୍ଣବୈଷମ୍ୟବାଦ ପରର
ଦକ୍ଷିଣ ଆଫ୍ରିକୀୟ ସମାଜର ନାନା
ଅନ୍ୟାୟ ଓ ବ୍ୟଭିଚାର ବିରୁଦ୍ଧରେ
ତାଙ୍କର କବିତା ଏକ ଗୁରୁତ୍ୱପୂର୍ଣ୍ଣ
ସ୍ୱର ।
ଖୋଳ
(ସାହସୀ
ଚୋଙ୍ଗୋ ନିମନ୍ତେ)
କାଳର
କଳଙ୍କ ଫେଡ଼ି,
ଦେହ
ଧରି ବଞ୍ଚି
ରହ,
ହଗିଲା
ଥାନରେ କିଏ ଶୁଏ ଧନ ମତେ କହ ?
ହଁସାକୁ
ଧର ଜାବୁଡ଼ି,
କୋମଳ
ପତରେ ମୋଡ଼ି,
ପୀରତି
ରସ ନିଗାଡ଼ି,
ଅନ୍ତର୍ଗତେ
ମଜ୍ଜି ରହ
।
ଭୂଇଁକୁ
ଖୋଳି ଶକତେ,
ଅଦେଖା
ସପନ ମତେ,
ମୁହଁଗନ୍ଧ
ଜାକି ଧରି,
ଲଙ୍ଘିଯା
ଖଣ୍ଡ ପ୍ରଳୟ
।
ଅଳପ
ଗହୀରେ ଖୋଳି,
ଅସ୍ତ୍ରଶସ୍ତ୍ର
ପରିହରି,
ମାଟିରେ
ପାଦ ଥାପିବା ପାଇଁ ଥାଉ
ତୋର ଲୟ ।
ପୀରତି
ଗହୀର ଗାତ,
ଶୁଣ
ମୋ ମନର ମିତ,
ଜାଣିନୁ
ତା ଗର୍ଭଧ୍ୱଂସ ଇତିହାସ ପରିଚୟ
।
କହଇ
ଭୋନାନି ବିଲା,
ଶୁଣରେ
କାଳିଆ ପିଲା,
ମାଦଳ
ଶବଦ ତାଳ ଫେଡ଼ିବ ତୋର ସଂଶୟ ।
ବି.ଦ୍ର.
: ଏହି
କବିତାଟିର ମୂଳ ରୂପ ଏକ ଇଂରାଜୀ
ପଦ୍ୟ କବିତାର । ମାତ୍ର ଏକ
‘ପର୍ଫର୍ମାନ୍ସ୍ କବିତା’ ହୋଇଥିବାରୁ
ଏହାର ରୂପାନ୍ତର ଏକ ଛନ୍ଦବଦ୍ଧ
ଭଜନ/
କୀର୍ତ୍ତନ
ଆକାରରେ କରିବାକୁ ଚେଷ୍ଟା କରାଯାଇଛି
। ଭଣିତା କବି ଭୋନାନି ବିଲାଙ୍କ
ନାମରେ ହୋଇଛି । ଏହି କବିତାଟି ଦୈନିକ ସଞ୍ଚାରର ସାହିତ୍ୟ ପୃଷ୍ଠାରେ ୦୯ ଅକ୍ଟୋବର ୨୦୧୬ରେ ପ୍ରକାଶିତ ହୋଇଥିଲା ।
No comments:
Post a Comment