ବନ୍ଦେ ଉତ୍କଳ ଜନନୀ

କବି - ଲକ୍ଷ୍ମୀକାନ୍ତ ମହାପାତ୍ର

ଗାୟକ - ଗୋକୁଳ ମହାନ୍ତି 

ଗୀତର ୟୁଟ୍ୟୁବ ଲିଙ୍କ - https://www.youtube.com/watch?v=zSa9v0nrU_o

କଟକର ଚହଟା ଘାଟରେ ମହାନଦୀର ଦୃଶ୍ୟ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ବନ୍ଦେ ଉତ୍କଳ ଜନନୀ 

ଚାରୁ ହାସ୍ୟମୟୀ ଚାରୁ ଭାଷ୍ୟମୟୀ

ଜନନୀ, ଜନନୀ, ଜନନୀ ।

ପୁତ ପୟୋଧି ବିଧୌତ ଶରୀରା

ତାଳ ତମାଳ ସୁଶୋଭିତ ତୀରା

ଶୁଭ୍ର ତଟିନୀକୂଳ ଶୀକର ସମୀରା  

ଜନନୀ, ଜନନୀ, ଜନନୀ ।

ଘନ ଘନ ବନଭୂମି ରାଜିତ ଅଙ୍ଗେ,

ନୀଳ ଭୁଦରମାଳା ସାଜେ ତରଙ୍ଗେ,

କଳ କଳ ମୁଖରିତ ଚାରୁ ବିହଙ୍ଗେ

 ଜନନୀ, ଜନନୀ, ଜନନୀ ।

ସୁନ୍ଦର ଶାଳୀ ସୁଶୋଭିତ କ୍ଷେତ୍ରା

ଜ୍ଞାନ ବିଜ୍ଞାନ ପ୍ରଦର୍ଶିତ ନେତ୍ରା,

ଯୋଗୀ ୠଷିଗଣ ଉଟଜ ପବିତ୍ରା

ଜନନୀ, ଜନନୀ, ଜନନୀ ।

ସୁନ୍ଦର ମନ୍ଦିର ମଣ୍ଡିତ ଦେଶା,

ଚାରୁ କଳାବଳୀ ଶୋଭିତ ବେଶା,

ପୂର୍ଣ୍ଣ ତୀର୍ଥଚୟ ପୂର୍ଣ୍ଣ ପ୍ରଦେଶା

ଜନନୀ, ଜନନୀ, ଜନନୀ ।

ଉତ୍କଳ ସୁରକର ଦର୍ପିତ ଗେହା,

ଅରିକୁଳ ଶୋଣିତ ଚର୍ଚ୍ଚିତ ଦେହା,

ବିଶ୍ୱ ଭୂମଣ୍ଡଳ କୃତବର ସ୍ନେହା

  ଜନନୀ, ଜନନୀ, ଜନନୀ ।

କବିକୁଳ ମୌଳି ମୁନିଜନ ବନ୍ଦ୍ୟା,

ଭୁବନ ବିଘୋଷିତ କୀର୍ତ୍ତି ଅନିନ୍ଦ୍ୟା,

ଧନ୍ୟେ, ପୁଣ୍ୟେ, ଚିର ଶରଣ୍ୟେ

ଜନନୀ, ଜନନୀ, ଜନନୀ ।