କଙ୍କଡ଼ା ତରକାରୀ

ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ସାମଗ୍ରୀ

ଆଠଟି ମଝିଆଳିଆ ଚିଲିକା କଙ୍କଡ଼ା, ତିନିଟି ମଝିଆଳିଆ ବିଲାତି ଆଳୁ, ଯୋଡ଼ିଏ ମଝି ଆକାରର ବିଲାତି ବାଇଗଣ, ଚାରୋଟି ମଝି ଆକାରର ପିଆଜ, କୋଡ଼ିଏଟି ରସୁଣ କୋଲା, ଦୁଇ ଚାମଚ ଜୀରା ଦୁଇ ଇଞ୍ଚ ଲମ୍ବର ଗୋଟିଏ ଅଦା ଖଣ୍ଡ, ଦୁଇଟି କଞ୍ଚା ଲଙ୍କା, ଦୁଇଟି ଶୁଖିଲା ଲଙ୍କା, ଏକ ଇଞ୍ଚ ଲମ୍ବର ଚାରି ଖଣ୍ଡ ଡାଲଚିନି, ଏକ ଟେବୁଲ ଚାମଚ, ଦୁଇ ଟେବୁଲ ଚାମଚ ହଳଦୀ ଗୁଣ୍ଡ, ଚିନି ଦୁଇ ଚାମଚ ପୋସ୍ତ, ଆଠଟି ଗୁଜୁରାତି, ଚାରୋଟି ଲବଙ୍ଗ, ତେଜପତ୍ର ଚାରୋଟି, ସତୁରି ଗ୍ରାମ ତେଲ, ଗୁଆ ଘିଅ ଦୁଇ ଚାମଚ ।  

ପ୍ରଣାଳୀ 

ଗୋଟିଏ ବଡ଼ ଡେକଚିରେ ତିନି ଲିଟର ପାଣି ଡବଡବ କରି ଫୁଟାନ୍ତୁ । କଙ୍କଡ଼ାକୁ ଗୋଟିଏ କାଠ ବା ବାଡ଼ିରେ ବାଡ଼େଇ ମାରନ୍ତୁ । ସେଇ କଙ୍କଡ଼ାକୁ ନେଇ ଫୁଟୁଥିବା ପାଣିରେ ଡେକେଚି ଭିତରେ ପକାଇ ପାଞ୍ଚ ମିନିଟି ଫୁଟାନ୍ତୁ । ତାହା ପରେ ପାଣିରୁ ଛାଣି ଆଣି ଥାଳିରେ ରଖି ଥଣ୍ଡା କରନ୍ତୁ । ଥଣ୍ଡା ହୋଇଗଲେ କଙ୍କଡ଼ାର ଗୋଡ଼ ଗୁଡ଼ିକ ଛିଣ୍ଡାଇ ଦିଅନ୍ତୁ । ଉପରର ଖୋଳପା ଭାଙ୍ଗି ଚାମଚରେ ଶସତକ ଖଣ୍ଡଖଣ୍ଡ କରି ବାହାର କରି ରଖନ୍ତୁ । ଆଳୁରୁ ଚୋପା ଛଡ଼ାଇ, ପ୍ରତି ଆଳୁକୁ ଆଠ ଖଣ୍ଡ ଲେଖାଏ ଲମ୍ବାଳିଆ କାଟି ରଖନ୍ତୁ । ପିଆଜ ଓ ବିଲାତି ବାଇଗଣକୁ ଛୋଟ ଛୋଟ କରି କାଟି ରଖନ୍ତୁ । ଅଦା, ରସୁଣ, କଞ୍ଚା ଲଙ୍କା, ଶୁଖିଲା ଲଙ୍କା, ପୋସ୍ତ, ଗୁଜୁରାତି କୁ ବାଟି ରଖନ୍ତୁ ।

ତେଲ ଗରମ କରନ୍ତୁ । ଗରମ ତେଲରେ ଜୀରା ଫୁଟାଇ, ଚିନି, ଲବଙ୍ଗ, ତେଜପତ୍ର ପକାନ୍ତୁ । ଦୁଇ ମିନିଟ ପରେ ପିଆଜ ପକାନ୍ତୁ । ଅଳ୍ପ ଆଞ୍ଚରେ ଭାଜି ବଟା ମସଲା ପକାଇ ଅଳ୍ପ ଆଞ୍ଚରେ ଦଶ ମିନିଟ କସନ୍ତୁ । ଆଳୁ ଓ କଙ୍କଡ଼ାର ଶସ ପକାଇ ଲୁଣ ହଳଦୀ ଦେଇ ଆହୁରି ଦଶ ମିନିଟ ଭାଜନ୍ତୁ । ପାଣି ମରିଗଲେ ଦୁଇ କପ ପାଣି ଓ ଟମାଟୋ ପକାନ୍ତୁ । ଆଳୁ ସିଝି ଗଲେ ତର୍କାରୀ ଚୂଲିରୁ ଓହ୍ଲାଇ ଦେଇ, ଗୁଆ ଘିଆ ଦୁଇ ଚାମଚ ପକାଇ ଘୋଡ଼ାଇ ଦିଅନ୍ତୁ । ଗରମ ଗରମ ଖାଆନ୍ତୁ ।