ଗୋପବନ୍ଧୁ ଦାଶ କୃତ କଠୋପନିଷଦ୍ ର ଓଡ଼ିଆ ପଦ୍ୟାନୁବାଦ 

ଦ୍ୱିତୀୟ ଅଧ୍ୟାୟ 

ତୃତୀୟା ବଲ୍ଲୀ : ମନ୍ତ୍ର ୧୨

ଇଶ୍ୱରଙ୍କର ୯୯ ନାମ
ଚୀନର ସିନି ଲିପିରେ ଲିଖିତ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ଅଜ୍ଞେୟ ଯେ ମନ ବାକ୍ୟ ଇନ୍ଦ୍ରିୟ ସଞ୍ଜୋଗେ 

ଗୋଚର କେବଳ ହୃଦେ ଜ୍ଞାନ ଧ୍ୟାନ ଯୋଗେ ।

ଆସ୍ତିକ ବିଶ୍ୱାସୀ ଗୁରୁ ବିନା କିଏ ଆନ

ଦେଇପାରେ ସେ ଅନାଦି ବ୍ରହ୍ମତତ୍ତ୍ୱ ଜ୍ଞାନ ?

ପାଷାଣ୍ଡ ନାସ୍ତିକ ଗଣ ବ୍ରହ୍ମେ ଅବିଶ୍ୱାସୀ

ଦୂରେ ତାଙ୍କ ସଙ୍ଗ ତେଜ ଅମୃତ ପ୍ରୟାସୀ ।

ନିର୍ଗୁଣ ସଗୁଣ ଆତ୍ମା ଉଭୟ ପ୍ରକାର 

ସଗୁଣ ଉପାଧି ବଶେ ସୃଷ୍ଟି ଏ ସଂସାର ।

ବିନା କାରଣରେ କାହିଁ କାର୍ଯ୍ୟର ଉଦ୍ଭବ ?

ଆତ୍ମା ବିନା ଏ ସଂସାର ସୃଷ୍ଟି ଅସମ୍ଭବ । (ନ.ଉ. ୨।୩।୩୯)