ଦଳିତ ଲୋକଗୀତ - 'ଆମ୍ବ ପାଚିଆଏ ଥୋଇଚି'
ସଙ୍ଗ୍ରାହକ - ଶ୍ରୀ କାର୍ତ୍ତିକ ଚନ୍ଦ୍ର ଜେନା
 |
| ମାଇକେଲ ବୋୟମ୍ କୃତ ଆମ୍ବର ଛବି ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ଯେତେ ଆମ୍ବ ଗୋଟେଇଚି
ପାଛିଆରେ ଅଛି
ରଖିଚି ରଖିଚି ।
ଏଇଟା ମଣିଷ ମୁଣ୍ଡିଆ
ଏଇଟା କଖାରୁଆ ।
ଏଇଟା ସୁନ୍ଦରିଆ ।
ଏଇଟା ନମ୍ବୁରି ।
ଏଇଟା ଛୋଟ ଗୁଡ଼ୁରି ।
ଏଇଟା ବେଲ ପତରିଆ ।
ଏଇଟା ରସୁଣିଆ ।
ଏଇଟା ହଳଦିଆ ।
ଏଇଟା ଅଦା ସୁଆଦିଆ ।
ଏଇଟା ଆଇଁଷିଣିଆ ।
ଏଇଟା ଚୁଚୁମିଆ ।
ଏଇଟା ଚେରୁଆ ।
ଏଇଟା ମାଉଁସିଆ ।
ଏଇଟା କାକୁଡ଼ିଆ
ଏଇଟା କଞ୍ଚାଖାଇ ।
ଏଇଟା କୋଇଲି ପାଡ଼ରା ।
ଏଇଟା ଭୂତଖିଆ ।
ଉତ୍ସ - ଶ୍ରୀ କାର୍ତ୍ତିକ ଚନ୍ଦ୍ର ଜେନା କୃତ 'ଦଳିତ ଲୋକ ଗୀତ' । ୨୦୧୩ । ପ୍ରକାଶକ, ଇଟାପଡ଼ିଆ, ରଘୁନାଥପୁରର, ମାହାଙ୍ଗା କଟକର 'ତଫସିଲ' ପ୍ରକାଶନ ସଂସ୍ଥା ।
No comments:
Post a Comment