ଶାଶୁ କହିଲେ 

(ବୋହୁଙ୍କ ପହିଲି ପାଳି ବାହୁନାର ଉତ୍ତର)

ଚକ୍ରଧର ମହାପାତ୍ର କୃତ 'ଉତ୍କଳ ଗାଉଁଲି ଗୀତ'ରୁ ସଙ୍ଗୃହିତ

ଫଟୋ କ୍ରେଡ଼ିଟ - ୱିକିପିଡ଼ିଆ କମନ୍ସ୍

ଓତଲ କନା ପିନ୍ଧି ପଶିଲୁ ଘରେ

ତୋର କିପାଇଁ ସତେ ଗାରିମା ଏଡ଼େ ଲୋ । 

ବୁଢ଼ୀକାଳେ ଲୋ ମୋ'ର ଆସୁଛି ଭାର

ବୁଡ଼ି ନ ମଲୁ ତୁ ଲୋ ବାଡ଼ିରେ ଯୋଡ଼ ଲୋ ।

ତା' ଶୁଣି ଦେଢ଼ଶୁରେ ଦିଅନ୍ତି ଗାଳି

ତା ଶୁଣି ଖୁଡ଼ିଶାଶୁ ଲଗାନ୍ତି କଳି ଲୋ ।

ଅନ୍ୟ ଗାଳି ଲୋ ତୋ'ର ତୁଣ୍ଡରେ ନାହିଁ 

ଆଣ୍ଠୁକୁଡ଼ି ଝିଅ ତୁ ବୋଲୁ କିପାଇଁ ଲୋ ।

ଶାଗ କାଟିବି ବୋଲି ପନିକି ଥୋଇ 

ମନ ବିକଳ ହେଲା ପଡ଼ିଲି ଶୋଇ  ଲୋ ।

ହାଟରୁ ଖଜା ମୁଆଁ ଆଣନ୍ତି କିଣି 

ବୋଲନ୍ତି, ତୋ'ର ଭାଇ ଆସିଛି ଆଣି ଲୋ ।

( ପ୍ରଥମ ରଚନା---ବାଣପୁର, ପୁରୀ )