ଆକାଶ
ବୈଷ୍ଣବ ପାଣି
ଇ,ଏସ୍.ଓ. ଲା ସିଲ୍ଲା ପର୍ଯ୍ୟବେକ୍ଷଣ କେନ୍ଦ୍ରଠାରେ ଆକାଶର ଦୃଶ୍ୟ ଚିଲିର ଆଟାକାମା ମରୁଭୂମିର ରାତ୍ରିର ଆକାଶ ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ଆକାଶରେ କି ତତ୍ତ୍ୱ ଅଛି
ଆକାଶକୁ ଦେଖି ବୁଝି ହେଉଛି ।ପଦ।
ଆକାଶରେ ସୂର୍ଯ୍ୟ ଆକାଶରେ ଚନ୍ଦ୍ର
ଆକାଶେ ନକ୍ଷତ୍ର ଶୋଭା ଦିଶନ୍ତି ।
ଆକାଶ ସକାଳେ ଆକାଶ ସନ୍ଧ୍ୟାରେ
ଆକାଶ ମହିମା ସର୍ବେ ଜାଣନ୍ତି ।୧।
ଆକାଶେ ବାଦଲ ଆକାଶରୁ ମେଘ
ଆକାଶୁ ତଳକୁ ଖସିପଡ଼ୁଛି ।
ଆକାଶର ସୂର୍ଯ୍ୟ ଆକାଶେ ହସିଲେ
ଆକାଶଟା ସପ୍ତରଙ୍ଗେ ସାଜୁଛି ।୨।
ଆକାଶଟା ଶୂନ୍ୟ ଆକାଶ ବି ପୂର୍ଣ୍ଣ
ଆକାଶେ ଆକାଶ ସୀମା ଲଙ୍ଘୁଛି
ଆକାଶ କି ଦୃଶ୍ୟ ଆକାଶ ଅଦୃଶ୍ୟ
ଆକାଶକୁ କିଏ କଳି ପାରୁଛି ।୩।
ଆକାଶେ ଆନନ୍ଦ ଆକାଶେ ବିଷାଦ
ଆକାଶେ ଦେବତା କାହୁଁ ଲୁଚିଛି ।
ଆକାଶର କଥା ଆକାଶ ପୃଷ୍ଠାରେ
ଆକାଶ ନାରଣ କବି ଲେଖୁଛି ।୪।
No comments:
Post a Comment