ଓଡ଼ିଆ ସାହିତ୍ୟରେ ପାନ - ୧

ଉତ୍ସ - ଶ୍ରୀ ବୈଷ୍ଣବ ମହାନ୍ତି କୃତ 'ପାନ ଓ ପ୍ରିୟତମା' 

ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

ସାରଳା ଦାସ

ବିଜୟେ ରାଜାମାନେ ନିଅବକାଶ ସ୍ଥାନେ ।

କର୍ପୂର ତାମ୍ବୁଳ ଯେ ଭୁଞ୍ଜନ୍ତି ମୁଖବାସ ବିଧାନେ ।।

ବ୍ରଜନାଥ ରଥ 

ମୁଁ ଜାଣିଛି ପାନ, ତୁମେ ବଡ଼ ଉପକାରୀ ବନ୍ଧୁ ।

ଦୂର ଅତୀତରେ ଓଡ଼ିଆ ପୁଅ ତ ବାହିଗଲା ଯେବେ ସିନ୍ଧୁ ,

ଜାଭା, ବୋର୍ଣ୍ଣିଓ, ବ୍ରହ୍ମଦେଶେ ଓ ମଧ୍ୟ ଏସିଆ ମୁଖେ ;

ତୁମେ ଭରିଦେଲ ନୂତନ ଶକ୍ତି ତାହାରି କ୍ଲାନ୍ତ ବୁକେ ।

ତେଣୁ ସେ ତୁମକୁ ଅତି ଭଲ ପାଇ

ବଟୁଆ ଭିତରେ ରଖିଲା ସଜାଇ 

ତୁମେ ତା' ଭିତରେ ଅତି ଆରାମରେ ପଡ଼ିଲ ଘୁମାଇ ଆହା ! 

ସେହି ଦିନଠାରୁ ବଟୁଆବାସିନୀ, ତାମ୍ଭୁଳ ଆହେ କ୍ଲାନ୍ତିନାଶିନୀ

ଓଡ଼ିଆର ହେଲ ସାହା । 

(ଝଙ୍କାର, ୩୭ ବର୍ଷ, ଶାରଦୀୟ ବିଶେଷାଙ୍କ) 

ଗଙ୍ଗାଧର ମେହେର 

ପୂରିଲାଣି ଏ ଦେଶେ ପର୍ଣ୍ଣସେବୀ ଲୋକେ,

ଶୁଭ୍ରଦନ୍ତ କେବଳ ରହିଛନ୍ତି ଥୋକେ ।

ଚଷାଘରୁ ଆରମ୍ବି ରାଜ ପରିବାର

ସବୁଠାରେ ରହିଛି ପର୍ଣ୍ଣ ଅଧିକାର ।