ଜଗନ୍ନାଥ ଭଜନ - ମାନ ଉଦ୍ଧାରଣ

ଫଟୋ କ୍ରେଡ଼ିଟ୍ - ୱିକିପିଡ଼ିଆ କମନସ୍ 

କବି - ଉପେନ୍ଦ୍ର ଭଞ୍ଜ 

ଗାୟକ - ବାଣୀ ଜୟରାମ ଓ ବାଳକୃଷ୍ଣ ଦାସ 

ସଙ୍ଗୀତ - ପ୍ରଫୁଲ୍ଲ କର 

ଭଜନର ୟୁଟ୍ୟୁବ୍ ଲିଙ୍କ୍ -  https://www.youtube.com/watch?v=7IGLlmSQEZA

ମାନ ଉଦ୍ଧାରଣ କରହେ ତାରଣ 

ଶରଣ ମୁଁ ତୁମ ପାଦ ତଳେ ।

ଅନାଥର ନାଥ ନୀଳଗିରି ନାଥ 

ଜଗନ୍ନାଥ ନାମ ନୀଳାଚଳେ ।

ମହୋଦଧି କୂଳେ କଳ୍ପବଟ ମୂଳେ  

ବିଜେ କରିଛ ବଡ଼ ଦେଉଳେ ।

ଲକ୍ଷେ ଯୋଜନରେ ବାରଣ ଚିନ୍ତିଲା 

ତା ଡ଼ାକ ଶୁଣିଲ ପଶାଖେଳେ ।

ମାରକଣ୍ଡ ୠଷି ଯାଉଥିଲେ ଭାସି 

ଉଦ୍ଧରି ଧଇଲ ବାହୁତଳେ ।

କିସ୍କିନ୍ଧାକୁ ଗଲ ବାଳି ବିନାଶିଲ 

ବନ୍ଧ ହେ ବାନ୍ଧିଲ ସିନ୍ଧୁଜଳେ ।

ଲଙ୍କାରେ ରାବଣ ବଧିଲ ଆପଣ

ଜନକ ନନ୍ଦିନୀ ସୀତା ଛଳେ ।

ଯୁଧିଷ୍ଠିର ବୋଲେ ହସ୍ତିନାକୁ ଗଲ

ଭୋଜନ କଲ ବିଦୂର ଘରେ ।

କୁରୁସଭା ତଳେ ପାଞ୍ଚାଳି ଚିନ୍ତିଲା 

କୋଟି ବସ୍ତ୍ର ଦେଲ ଅବହେଳେ ।

ବନପୋଡ଼ି କାଳେ ଘୋର ଦାବାନଳୁ

ଉଦ୍ଧରି ଧଇଲ ବ୍ରଜବାଳେ ।

ଭଣେ ଉପଇନ୍ଦ୍ର କବିକୁଳଚନ୍ଦ୍ର 

ଶରଣ ମୁଁ ତୁମ ପାଦତଳେ ।