ଡଗର ( ପ୍ରଥମ ବର୍ଷ, ଚତୁର୍ଥ ସ‌ଂଖ୍ୟା) ପତ୍ରିକାରୁ ଓଡିଶା ସମାଚାର - ୩

୧୯୩୬ ମସିହା : ୧୩୪୪ ସାଲ, ଆଷାଢ଼ ଶେଷାର୍ଦ୍ଧ  

ବ୍ରିଟିଶ ସମ୍ରାଟ ଅଷ୍ଟମ ଏଡ଼ୁଆର୍ଡ଼୍
ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

ନିଆଁ ନାହିଁ । କିନ୍ତୁ ଓଡ଼ିଶା କଂଗ୍ରେସୀ ଏସେମ୍ଲି ସଭ୍ୟଙ୍କ ଭିତରୁ କେତେଜଣ ଅନ୍ୟ ଦଳକୁ ଖସିଯିବେ ବୋଲି ଏକ ଘୋର ଆତଙ୍କ ଧୂଆଁ  ଦିଶୁଛି ବୋଲି  ଖବରକାଗଜମାନଙ୍କରେ ପ୍ରକାଶ । 

କଟକରେ ଭୟଙ୍କର ବର୍ଷା ହୋଇଛି । ମହାନଦୀ ଓ କାଠଯୋଡ଼ୀର ବନ୍ୟାମାଡ଼ ଆସୁଛି  । ରଙ୍ଗେଇଲୁଣ୍ଡାର ଭାରି ହରଷ । 

ଅନ୍ଧାରି ଗଡ଼ଜାତରେ ଆଲୁଅ ଜାଳିବାକୁ ଯାଇଁ ଶ୍ରୀଯୁକ୍ତ ଦୟାନିଧି ଶତପଥି ଗିରଫ ହୋଇଛନ୍ତି । 

ସମ୍ରାଟ ପିତା ତୁଲ୍ୟ । ପିତାଙ୍କୁ ଗାଳିଫଜିତ କରିବାରୁ ପିତା ଏବେ ପଣ୍ଡିତ ପ୍ରାଣକୃଷ୍ଣ ପଢ଼ିହାରୀଙ୍କୁ ୬ମାସ ପାଇଁ ମାମୁ ଘରକୁ ପଠାଇ ଦେଇଛନ୍ତି । 

ନଇରେ ଘରକରି କୁମ୍ଭୀର ସହିତ କଳି କରିବା ଦୋଷରୁ ଏସେମ୍ଲି ମେମ୍ବର ଚକ୍ରଧର ବେହେରା ଗିରଫ ହୋଇଛନ୍ତି । 

ଭଦ୍ରକକୁ ଶିକ୍ଷା ମନ୍ତ୍ରୀ ଆସିଥିଲେ । ଅଫିସରମାନଙ୍କୁ ସେ ସାଧାରଣ ସେବକ ହୋଇ ସାଧାରଣଙ୍କ ସଙ୍ଗରେ ମିଶିବାକୁ ଉପଦେଶ ଦେଇ ରାବଣ କାନରେ ରାମନାମ କହି ଚାଲିଗଲେ । 

ଅବଳା ଶବ୍ଦ ଅଭିଧାନରୁ ଉଠିଯିବାର ଆନ୍ଦୋଳନ ଚାଲୁଥିବା ବେଳେ ଭଦ୍ରକରେ ଜଣେ ବାଳିକା ଗୋ୪ଟି ବାଳକଙ୍କୁ ସୁଅରେ ଭାଷି ଯାଉଥିବାବେଳେ ରକ୍ଷା କରିଛନ୍ତି । 

ତା୭ରିକ ଜୁଲାଇଦିନ ଗୋପବନ୍ଧୁଙ୍କର ଶ୍ରାଦ୍ଧ ଦିବସ  ଉତ୍କଳର ଚାରିଆଡ଼େ ପାଳିତ ହୋଇ ଯାଇଛି । 

ପଣ୍ଡିତ ଲକ୍ଷ୍ମୀନାରାୟଣ ମିଶ୍ର ଖୋଦ ସରକାରଙ୍କ ବିରୁଦ୍ଧରେ ବାକ୍ୟ ବାଣ ପେଶିଥିବାରୁ ୧୨୪ ଧାରା ଅନୁସାରେ ଗିରଉ ହୋଇଛନ୍ତି । 

ସରକାରୀ କମିଟିର ସୁପାରିସରୁ ଅନୁମାନ ହୁଏ, ଓଡ଼ିଶାରେ ବିଶ୍ୱବିଦ୍ୟାଳୟରେ ଅଦୂର ଭବିଷ୍ୟତରେ ହୋଇପାରେ ।  

ଓଡ଼ିଶା ଲାଟ ସାହେବ ଜଣାଇଛନ୍ତି ଯେ ଓଡ଼ିଆ ଏସେମ୍ଲି ଏମାସ ୨୮ ତାରିଖରେ ହେବ ।