ପିଲାଙ୍କ ଗୀତ - ଉଠ ସକାଳ ହେଲା 

କବି - ଶ୍ରୀ ନଦୀୟା ବିହାରୀ ମହାନ୍ତି 

ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

କଳାକାହ୍ନୁ ଉଠ ସକାଳ ହେଲା ।

କମଳ ଆଖି ତୋ ଖୋଲ ଆରେ ବାବୁ

ଶୁକ ପିକ ଡାକ ଦେଲେଣି ପରା । 

ଆରେ ନନ୍ଦଚାଟ ନକର ତୁ ମଠ

ଗୋପାଳ ବାଳକ ହେଲେଣି ଠୁଳ ;

ଶିଙ୍ଗା ଶବଦରେ ଗୋପଦାଣ୍ଡ ପୂରେ

ଶେଯ ଛାଡ଼ ବେଗେ ମୋ ଗଳାମାଳା । ୧।

ଆରେ ବନମାଳୀ ମୋ ଜୀବଶଙ୍ଖାଳି

ସର ଲବଣି କି ନ ଦେବୁ ମୁଖେ,

ଅଳି ଲାଗି ତୋର ମନ କି ନ ବଳେ

ପଲଙ୍କେ ଲୋଟୁ ରେ ଦୁଃଖପାସୋରା ।୨।

ସୁଦାମ ସୁବଳ ସଖା ତୋ ସକଳ

ଧେନୁପଲ ସଙ୍ଗେ ହେଲେଣି ଉଭା,

ଶ୍ୟାମଳୀ ଧବଳୀ ଛାଡ଼ନ୍ତି ହମ୍ବାଳି 

ଗୋଷ୍ଠବିହାରୀ ତୁ ନକର ହେଳା । ୩।

ମୂଳ ରଚନା ଆକାଶବାଣୀ ସୌଜନ୍ୟରୁ ସଂଗୃହିତ ।  ଗୀତଟିର ଏହି ପ୍ରତିଟି ଓଡିଶା ସାହିତ୍ୟ ଏକାଡେମୀ ଛାପିଥିବା ଶ୍ରୀ ରାମକୃଷ୍ଣ ନନ୍ଦ ସଙ୍କଳିତ 'ଓଡିଆ ଶିଶୁ ସଙ୍ଗୀତ ସଙ୍କଳନ' ରୁ ଆହୃତ ।