Thursday, December 17, 2015

ପିଲାଙ୍କ ଗୀତ - ଉଦୁଉଦୁମା 


କୁଞ୍ଜବିହାରୀ ଦାସ 


ଫଟୋ କ୍ରେଡିଟ୍ - ୱିକିମିଡିଆ କମନସ୍ 


ଉଦୁଉଦୁମା,  ଧୂସରଧୁମା ।
ବଉଦ ଖୁ଼ଡ଼ୀ,  କୁହୁଡ଼ୀ ବୁଢୀ ।
ଧାଇଁଛି କାହିଁ,  ଭୂତର ଭାଇ ।
କଣ୍ଟାର ଚଟି,   ଚଇତନ ଚୁଟି ।
ଝୋଟର ଦାଢ଼ି,  ଓଟର ଗାଡ଼ି ।
ମେଘର କେଶ,  ଅଘୋରି ବେଶ ।
ଝପର ଝାଇଁ,  ଡରନା ଭାଇ ।
ଘଟରଘୁମା,  ଉଦୁଉଦୁମା ।
ଉଦୁଉଦୁମା,  ଦେହଟା ରୁମା ।
ରୋଦରେ ଭାତ, ପୂରେନା ପେଟ ।
ନଇଏ ଡାଲି,  ପତର ଖାଲି ।
ଦରିଆ ପାଣି,  ଶୋଷଇ ଟାଣି ।
ଦୁଇ ପହରେ,  ନଇ ପହଁରେ ।
ଗରଜେ ରାତି,  ସାପର କାତି ।
ମୁକୁଟ ଦେଇ,  ନାଚଇ ସେଇ ।
ବାଘର ଚିର,  ଦୁହଁଇ କ୍ଷୀର ।
ଅନ୍ଧାର ଘୋଡ଼ା,  ଛୁଟାଏ ଥୋଡ଼ା ।
ବିଜୁଳି ଛାଟ,  ଚକ୍ ଚକ୍ ବାଟ ।
ଡରନା ଜମା, ତାଳ ଗୋଟମା ।
ପିତ୍ତଳ ସମା,  ଝମ୍ ଝମ୍ ଝୁମା । 
ଝମ୍ ଝମ୍ ଝୁମା,  ଉଦୁଉଦୁମା । 

ମୂଳ ରଚନା 'କୁଞ୍ଜବିହାରୀ ସଞ୍ଚୟନ', ତୃତୀୟ ଭାଗରେ ଛପା ଯାଇଥିଲା । ଗୀତଟିର ଏହି ପ୍ରତିଟି ଓଡିଶା ସାହିତ୍ୟ ଏକାଡେମୀ ଛାପିଥିବା ଶ୍ରୀ ରାମକୃଷ୍ଣ ନନ୍ଦ ସଙ୍କଳିତ 'ଓଡିଆ ଶିଶୁ ସଙ୍ଗୀତ ସଙ୍କଳନ' ରୁ ଆହୃତ ।

No comments:

Post a Comment