ଓଡ଼ିଆ ସିନେମା ଗୀତ - 'ହୃଦୟର ଏହି ଶୂନ୍ୟତାକୁ'

ଗୀତର ୟୁଟ୍ୟୁବ ଲିଙ୍କ - https://www.youtube.com/watch?v=sbbP5jcaHvE

ଫଟୋ କ୍ରେଡ଼ିଟ -  www.fullodisha.com

ଚଳଚିତ୍ର - ସମର ସଲିମ ସାଇମନ (୧୯୭୯)

ସଙ୍ଗୀତ - ମୁସୀର

କଣ୍ଠ - ଶେଖର ଘୋଷ

ଗୀତିକାର - ନିଜାମ

ହୃଦୟର ଏହି ଶୂନ୍ୟତାକୁ ଆଜି ପଚାରି ମୁଁ ଯେବେ ଶୁଣେ,

ପ୍ରତାରଣା କିଏ କାହାକୁ ଦେଇଛି, ପ୍ରତିଧ୍ୱନି କହେ ତୁମେ ।

ତୁମେ ମୋ' ମନର ସୀମାରେଖା ଡେଇଁ, ସହଜେ ପାରିଛ ଯାଇ,

ହେଲେ ମୋ' ପାଦଟି ତୁମ ସ୍ମୃତିରେଖା ଟପି ଯାଇପାରି ନାହିଁ,

ଜାଣେନା କାହିଁକି ମୋ' ନୀରବତାକୁ ବିରହ ତୁମର ନିତି ଚୁମେ ।

ଥିଲା ସେ କିପରି ଭାବପ୍ରବଣତା ହସୁଛି ମୁଁ ମନେ ମନେ,

ତୋଳିବାକୁ ଏକ କୁହୁଡ଼ିର ଘର, ବାହାରିଥିଲି ମୁଁ ଦିନେ,

ସେ କୁହୁଡ଼ି ଘର ଗଲା ଭାଙ୍ଗି ଯା'ର, ପ୍ରୀତିର ପ୍ରାଚୀର ଥିଲ ତୁମେ ।