ଚକାନୟନ ହେ

କବି - ମାଧବୀ ଦାସୀ

ଗୁଆ ଉପରେ ଜଗନ୍ନାଥ (ରଘୁରାଜପୁର)
ଫଟୋ କ୍ରେଡ଼ିଟ - ୱିକିପିଡ଼ିଆ କମନ୍ସ୍

ଚକାନୟନ ହେ, ଜଗୁଜୀବନ ଶ୍ରୀହରି ।।

କାତରେ ଜଣାଣ କରୁଛି ଛାମୁରେ

ଶୁଣ ପ୍ରଭୁ ଶ୍ରୁତି ଡ଼େରି ।।

କେତେ ସଙ୍କଟୁ କାହାକୁ ରଖିନାହଁ 

ଦୟାଳୁ ସାରଙ୍ଗଧାରୀ ।

ତା ବର୍ଣ୍ଣି ବସିଲେ ପୋଥିକର ପାଠ 

କି ବର୍ଣ୍ଣିବ ଏ ପାମରୀ ।।

ଜୀବନ୍ତୀ ପିଙ୍ଗଳା ଆଦି ବାରବାଳା

ସଂସାରୁ ଗଲେ ନିସ୍ତରି ।

ଅପାର ମହିମା କେତନ ଉଡ଼ାଇ

ରଖିଛ କୀରତି ଶିରୀ ।।

ମୁଁ ଛାର ନିର୍ମାଖୀ ତୁମ୍ଭର ସେବକୀ-

ପଣକୁ ଅଯୋଗ୍ୟା ନାରୀ ।

କରିଛି ଦୟିନି ଯୋଡ଼ି କର ବେନି

ଶୁଣ ମାଧବୀ ଗୁହାରୀ ।