ଶୂନ୍ୟରୁ ସଞ୍ଚରି ଯେଉଁ ଚରଣ ଅଇଲା
କବି - ଶିଶୁ ଅନନ୍ତ
'ବୈକୁଣ୍ଠ ଦର୍ଶନ' ଚିତ୍ର (୧୭୧୦-୧୭୧୫ କାଗଜ ଉପରେ ଜଳରଙ୍ଗ, ସୁନା ଓ ରୁପା ବୃକଲିନର ସଙ୍ଗ୍ରହାଳୟ ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ଶୂନ୍ୟରୁ ସଞ୍ଚରି ଯେଉଁ ଚରଣ ଅଇଲା
ଶୂନ୍ୟପୀଠ ଭେଦି ସମଦରଶୀ ବହିଲା ।
ଦମ୍ଭେଣ ରହିଲା ସେ ଯେ ଅବନା ମନ୍ତର
ଅଷ୍ଟାଙ୍ଗ ମିଶନ୍ତେ ହେଲା ଉଲଟ ଓଁକାର ।
ହରିମୟେ ଜଗତ ଜଗତମୟେ ହରି
'ହ' ଶବଦ ଅଶେଷ ବ୍ରହ୍ମାଣ୍ଡେ ଅଛି ପୂରି ।
'ହ' ଶବ୍ଦ ଭେଦ ଜାଣନ୍ତି ଗୋମତ ଗୋରେଖ
ଚାରିବେଦ ବ୍ରହ୍ମା ଯେ ରଚିଲେ ଚାରିପାଖ ।
ମଉଳି ଶିଖରେ ଏ ତ ବିଜେ କଲେ ଯହୁଁ
ଚାରିବେଦ ମନ୍ଥନରୁ 'ରି' ଶବଦ ତହୁଁ ।
ଏ ବେନି ଅକ୍ଷର ଯେବେ ଏକତ୍ୱ ହୋଇବ
ହରି ବୋଲି କରି ନାମ ହୃଦରେ ଗୁଣିବ ।
ହରି ଉଦେ ହେଉଛନ୍ତି ନ ଜାଣନ୍ତି କେହି
କହନ୍ତି ଅନନ୍ତ ଶିଶୁ ହରୀନ୍ଦ୍ରକୁ ଧ୍ୟାୟି ।
No comments:
Post a Comment