ଲେଉଟିଆ ଶାଗ ମାଛ
ଚାରି ଜଣଙ୍କ ପାଇଁ
ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ସାମଗ୍ରୀ - ଛଅ ଖଣ୍ଡ ପେଟି ରୋହି ମାଛ, ତିନିଟା ମଝି ଆକାରର ବିଲାତି ଆଳୁ. ତିନୋଟି ମଝିଆଳିଆ ପିଆଜ, ଦୁଇ ବିଡ଼ା ଲେଉଟିଆ ଶାଗ, ତିନିଟା କଞ୍ଚା ଲଙ୍କା, ଗୋଟି ଚାହା ଚାମଚ ଫୁଟଣ, ଦୁଇ ଚାହା ଚାମଚ ହଳଦୀ ଗୁଣ୍ଡ, କୋଡ଼ିଏ ଗ୍ରାମ୍ ତେଲ, ତିନି ଚାମଚ ଜୀରା, ତିନିଟା ଛୋଟ ଶୁଖିଲା ଲଙ୍କା, ଦୁଇ ଖଣ୍ଡ ଡାଲଚିନି, ଗୁଜୁରାତି ଚାରୋଟି ।
ପ୍ରଣାଳୀ - ପ୍ରଥମେ ଜୀରା, ଶୁଖିଲା ଲଙ୍କା, ଡାଲଚିନି ଓ ଗୁଜୁରାତି କୁ ଅଳପ ନିଆଁରେ ପଲମରେ ଦୁଇ ମିନିଟି ଭାଜି, ଶୁଖିଲା ଗୁଣ୍ଡ କରନ୍ତୁ ।
ତାହା ପରେ ମାଛକୁ ସଫା କରି ଧୁଅନ୍ତୁ ଓ ପାଞ୍ଚ ଗ୍ରାମ୍ ଲୁଣ ଓ ଦଶ ଗ୍ରାମ୍ ହଳଦୀ ଗୋଳାଇ ଦଶ ମିନିଟି ରଖନ୍ତୁ । କରେଇରେ ମାଛ ପକେଇ ଅଳପ ନିଆଁରେ କଡ଼ା ଭାଜନ୍ତୁ । କଡ଼େଇରୁ ମାଛ କାଢ଼ି ତାହା ଦେହରୁ କଣ୍ଟା କାଢ଼ି ଦିଅନ୍ତୁ ।
ଆଳୁକୁ ଚୁନାଚୁନା କରି (ଗୋଟିଏ ବର୍ଗ ସେ.ମି. ଆକାରରେ) କାଟନ୍ତୁ । ପିଆଜକୁ ମଧ୍ୟ ସେହିପରି କାଟନ୍ତୁ । କରେଇରେ ପାଞ୍ଚ ଗ୍ରାମ୍ ତେଲ ଗରମ କରି ସେଥିରେ ଆଳୁ ଓ ପିଆଜ କଟା ପକାଇ ମଝିଆଁ ଆଞ୍ଚରେ ଭାଜନ୍ତୁ ପାଞ୍ଚ ମିନିଟି ଭାଜନ୍ତୁ । ତାହା ପରେ କପେ ପାଣି ଦେଇ ଘୋଡ଼ାଇ ଦିଅନ୍ତୁ । ଆଞ୍ଚ କମାଇ ଦଶ ମିନିଟି ଆଳୁ ପିଆଜ ଦରସିଝା ହେଲା ପର୍ଯ୍ୟନ୍ତ ଭାଜନ୍ତୁ । ତାହା ପରେ ଢାଙ୍କୁଣି ଖୋଲି, ସେଥିରେ କଣ୍ଟାବିହୀନ ମାଛ ପକାଇ ଭାଜନ୍ତୁ ।
ଆଉ ଗୋଟିଏ ଛୋଟ କରେଇରେ ପାଞ୍ଚ ଗ୍ରାମ୍ ତେଲ ଗରମ କରନ୍ତୁ । ସେଥିରେ ଫୁଟଣ ପକାଇ କମ ଆଞ୍ଚରେ ଦୁଇ ମିନିଟି ରଖନ୍ତୁ । ଏଥିରେ ମସଲା ଗୁଣ୍ଡ ତକ ପକାଇ ଆହୁରି ଦୁଇ ମିନିଟି ମସଲା ଭାଜି ଅଧା କପ ପାଣି ଦିଅନ୍ତୁ । ଆଉ ଦୁଇ ମିନିଟି ମସଲାକୁ କସି ଏହି କସା ମସଲାକୁ ନେଇ ମାଛ ଓ ଶାଗର ମିଶ୍ରଣରେ ପକାଇ ଦିଅନ୍ତୁ । ଲେଉଟିଆ ଶାଗ ମାଛ ତିଆରି ହୋଇଗଲା ।
No comments:
Post a Comment