ଦହି ପଖାଳ
(ଦୁଇ ଜଣଙ୍କ ପାଇଁ)
ଦହି ପଖାଳ ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ସାମଗ୍ରୀ - ଛଅ କପ ରନ୍ଧା ଉଷୁନା ଭାତ, ପାଞ୍ଚ କପ ପାଣି, ଗୋଟିଏ କପ ସଜ ଦହି, ସୁଆଦ ଅନୁସାରେ ଲୁଣ, ପାଞ୍ଚ ଗ୍ରାମ ଚୋପାଛଡ଼ା ଚୁନଚୁନ କଟା ଅଦା, ଚାମଚେ ଘିଅ, ଅଧ ଚାହା ଚାମଚ ଗୋଟା ଜୀରା, କୋଡ଼ିଏଟି ଭେରେସୁଙ୍ଗ ପତ୍ର, ଶୁଖିଲା ଲଙ୍କା ଗୋଟିଏ ।
ପ୍ରଣାଳୀ - ରନ୍ଧା ଉଷୁନା ଭାତରେ ପାଣି ମିଶାଇ ଭାତର ଟେଳା ଭାଙ୍ଗି ଦିଅନ୍ତୁ । ପାଣି ମିଶାଇ ସାରିଲା ପରେ ସେଥିରେ ଦହି ଗୋଳାଇ ଦିଅନ୍ତୁ । ଛୋଟ କଡ଼େଇରେ ଘିଅ ପକାଇ ଗରମ କରନ୍ତୁ । ଏହା ଉପରେ ପ୍ରଥମେ ଭେରେସୁଙ୍ଗ ପତ୍ର ପକାନ୍ତୁ । ତାହା ପରେ ଅଦା, ଜୀରା ଓ ଲଙ୍କା ଏକା ସାଙ୍ଗରେ ପକାନ୍ତୁ । ଏହି ଛୁଙ୍କ ଓ ଲୁଣକୁ ଭାତ ସହିତ ମିଶାଇ ଭଲ ଭାବରେ ଗୋଳାଇ ଦିଅନ୍ତୁ । ଦହି ପଖାଳ ବର୍ତ୍ତମାନ ପରସିବା ପାଇଁ ପ୍ରସ୍ତୁତ ।
No comments:
Post a Comment