ଭାଲୁକୁଣୀ ଓଷା ଗୀତ
 |
| କାକଟପୁରର ମାଆ ମଙ୍ଗଳା ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନ୍ସ୍ |
ଛି ଭାଲୁକୁଣୀ ଛିଇ ଲୋ
ଶୁଖୁଆ ଖାଇଲୁ କିଇ ଲୋ ।
ଭାଲୁକୁଣୀ ପୁଅ ମଲାରେ ସାଆଁଳା ମୂଟା ତଳେ
ସାଆଁଳା ମୁଟା ଭାଙ୍ଗି ପଇଲା ଭାଲୁକୁଣୀ ଉପରେ ।
କିଏ କଇଲା ବାରଣ କାଲି, ରାତିରେ ସପନ ଦେଖିଲି ।
ଦିଇ ଗୋଡ଼ ଦେଇ ଅଳତା, ରଙ୍ଗ ଧାନ କଳେଇ
ଆମ ଭାଲୁକୁଣୀ ପୁଅ ବେଇଛି କିଏ ନେବ ଖେଳେଇ ?
ବାଟରେ ଦିପଖା ଚୂଲୀ
ଚୂଲୀ ଚାରିପାଖ ଛ'ଟା ଚୁଲୀ, ଦେବତା ଆଇଲେ ଗଲି ।
ପାନ ପତର
ଆମ ଭାଲୁକୁଣୀ ଖେଳ ଖେଳନ୍ତି ନିଶା ରାତିର ।
ଆମ ଭାଲୁକୁଣୀ ହାତରେ ମୁଦି
ତମ ଭାଲୁକୁଣୀ ଅସଲ ବେଧୀ ।
ଆମ ଭାଲୁକୁଣୀ ନାଇଛି ଚୂଡ଼ି
ତମ ଭାଲୁକୁଣୀ ଖାଏ ମୁଢ଼ି ।
ଗୁଡ଼ିଆ ଘର ଚଟୁ
ଆମ ଭାଲୁକୁଣୀ ଚହଟ ଚିକ୍କଣ ତମ ଭାଲୁକୁଣୀ ଫାଟୁ ।
ଗଡ଼ି ଗଡ଼ି ଗଲା ବେଲ
ତୁମ ଭାଲୁକୁଣୀ ବଇଠାରେ ନାହିଁ ତେଲ ।
ଉତ୍ସ - ଶ୍ରୀ ପ୍ରସନ୍ନ କୁମାର ମିଶ୍ର ସଙ୍କଳିତ ବହି 'ଓଡ଼ିଆ ଲୋକଗୀତ' । ପ୍ରକାଶକ ସାହିତ୍ୟ ଅକାଦେମି, ନୂଆ ଦିଲ୍ଲୀ । ୨୦୧୩ (୧୯୯୪)
No comments:
Post a Comment