ଅକ୍ଟାଭିଓ ପାଜ୍‌ ଙ୍କର କବିତା 'ବିରତି'

ଅନୁବାଦ - ଗୋର୍ବାଚୋଭ୍

ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ସେମାନେ ଆସିଛନ୍ତି,

କିଛି ଚଢ଼େଇ ଆଉ–

ଗୋଟେ ତାମସ ଚିନ୍ତା ।

ଗଛର ମର୍ମର,

ଟ୍ରେନ୍‌ ଏବଂ ଇଞ୍ଜିନ୍‌ର ଘର୍ଘର,

ମୁହୂର୍ତ୍ତଟିଏ ଆସୁଛି ନା ଯାଉଛି ?

ସୂର୍ଯ୍ୟର ନୀରବତା– ବିଳାପ ଏବଂ ହସ;

ଉଭୟଙ୍କୁ ଭେଦ କରେ,

ତା’ ବର୍ଚ୍ଛା ବିଦ୍ଧ ହୁଏ ଶିଳା ଭିତରକୁ;

ଶିଳା ଚିତ୍କାର କରେ ।

ହୃଦୟ-ସୂର୍ଯ୍ୟ, କମ୍ପିତ ଶିଳା,

ରକ୍ତ ଶିଳା ଯା’ ପାଲଟି ଯାଏ ଗୋଟିଏ ଫଳ:

କ୍ଷତ ଗଭୀର ହୁଏ,

ମୁକୁଳା ହୁଏ ବିନା ଯନ୍ତ୍ରଣାରେ ।

ମୋ’ ଜୀବନ,

ଜୀବନ ସହ ତାଳ ଦେଇ– 

ବହି ଚାଲେ, ବହି ଚାଲିଥାଏ ।।

[ପିଏର୍‌ ରେଭର୍ଦିଙ୍କ ସ୍ମୃତିରେ । ରେଭର୍ଦି ଜଣେ ଚର୍ଚ୍ଚିତ ଫରାସୀ କବି ଥିଲେ ଏବଂ ତାଙ୍କରି ସୃଜନ ସମୂହ ପରବର୍ତ୍ତୀ ସମୟରେ “ସରିଆଲିଜିମ୍‌”, “ଦାଦାଇଜିମ୍‌” ଓ “କ୍ୟୁବିଜିମ୍‌" ଭଳି କଳା ଆନ୍ଦୋଳନକୁ ପ୍ରୋତ୍ସାହନ ଦେଇଥିଲା ।]