ଓଡ଼ିଆ ବୈଷ୍ଣବ ପଦାବଳୀ - 'ମଲ୍ଲିମାଳ ଶ୍ୟାମକୁ ଦେବି'

(ରାଗ-ବେହାଗ, ତାଳ-ଯତ୍)  

ଉପଇନ୍ଦ୍ର ଭଞ୍ଜ

ଗାୟନ - ଶ୍ୟାମାମଣି ଦେବୀ

ଗୀତର ୟୁଟ୍ୟୁବ ଲିଙ୍କ - https://www.youtube.com/watch?v=WjQ-ww4DnCU

ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ମଲ୍ଲିମାଳ ଶ୍ୟାମକୁ ଦେବି ମନ ତୋଷିବି

ଗ୍ରୀଷମ ହୋଇଲେ ବାସ ଚନ୍ଦନ ମୁଁ ଲେପିବି । ଘୋଷା ।

ତା ଅଙ୍ଗରୁ ସ୍ୱେଦ ବାରି ଯେବେ ପଡ଼ୁଥିବ ଝରି

ମୋ ଦୃଷ୍ଟି ପଡ଼ନ୍ତେ କାନି ପଣନ୍ତରେ ପୋଛିବି ।୧।

ସେ ଯେବେ କରିବେ ମାନ ଭାଙ୍ଗି ଭୁଞ୍ଜାଇବି ପାନ

ଗଣ୍ଡେ ଦେଇଣ ଚୁମ୍ବନ ହରଷ କରାଇବି । ୨।

ତାଙ୍କୁ କରି ଗଳା ହାର ସେବିବି ତାଙ୍କ ପୟର

ସେ ଯେହ୍ନେ ହୋଇବେ ବର ହର ପୂଜା କରିବି ।୩।

ଉପଇନ୍ଦ୍ର ଭଞ୍ଜ କହି ରମଣୀରତନ ସେହି 

ତାହାଙ୍କ ଚରଣ ଧ୍ୟାୟି ଶରଣାଗତ ହେବି ।୪।