"ଶିଶୁଗୀତ" 

କବି - କୃଷ୍ଣମୋହନ ପଟ୍ଟନାୟକ (୧୮୭୭-୧୯୪୦)

ସହବାଦୀମାନଙ୍କର ଚିହ୍ନ
ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

ଘର ପୋଡ଼ିଗଲା ଆମ ସାଇରେ 

ଆମ ସାଇ ପିଲା ଛୁଟିରେ ଖରେ ।

ନିଆଁ ଲିଭିଯା'ନ୍ତେ ଆସିଲେ ଫେରି 

ବାଟେ ଜଣେ ଲୋକ ଦେଲା ପଚାରି -

"ପରଘରେ ସେଣେ ଲାଗିଲା ନିଆଁ

ତୁମେରେ ବାଉଳା ହୋଇଲ କିଆଁ ?"

ପିଲାଯାକ ଭାଳି କଲେ ଉତ୍ତର -

"ସହଜ କଥାଟା ବୁଝି ନ ପାର ?

ଆମର ବିପତ୍ତି ପଡ଼ିବ ଯେବେ

କିଏ କିମ୍ପା ଆଉ ଚାହିଁବ ତେବେ ।

ଜାତି-ଭାଇ ଯେବେ ହୋଇଲା ପର

କାହାକୁ ଘେନି କେ କରିବ ଘର ?

ଅସମୟେ ଯଦି ଏକୁ ଆରେକ

ଖୋଜୁଥିବ, ଥିବ ଜାତିର ଟେକ । "

ଶ୍ରୀ ମହେଶ୍ୱର ମହାନ୍ତି ସମ୍ପାଦିତ (୨୦୧୫), 'ଓଡ଼ଆ ଶିଶୁ-କିଶୋର କବିତା' (ସାହିତ୍ୟ ଏକାଡ଼େମୀ : ନୂଆଦିଲ୍ଲୀ) ରୁ ସଙ୍ଗୃହିତ ।