ସାଲବେଗ ଭଜନ - କାହିଁକି ଆସିଛୁ ମନ କିସ ନେବା ପାଇଁରେ
ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ |
କାହିଁକି ଆସିଛୁ ମନ କିସ ନେବା ପାଇଁରେ ।
ଆସିଛୁ ଲଙ୍ଗଳା ତୁ ଯିବୁ ଶୂନ୍ୟ ହୋଇରେ । ୧।
ଘାଇଯାକ ମୁକୁଳା ତୁ ବନ୍ଧ କେତେ ବାନ୍ଧୁରେ ।
ଆପେ ମଲେ ଯୁଗଯାଏ ପରଲାଗି କାନ୍ଦୁରେ । ୨।
ତୁ ଯାହାକୁ ବିଭାହେଲୁ ଶାଢ଼ି ଶଙ୍ଖା ଦେଇ ରେ ।
ଖାଉଅଛି ସେହି ତୋତେ କାଳରୂପୀ ହୋଇରେ । ୩।
ମାଟିଘଟ ପଞ୍ଜରିରେ ପାଳୁ ସୁନା ଶୁଆରେ ।
ଅଠାକାଠି ଲଗାଇଛି ଭାବବିନୋଦିଆ ରେ । ୪।
କହେ ସାଲବେଗ ହୀନ ପାଦପଦ୍ମେ ଧ୍ୟାୟିରେ ।
ଶ୍ରୀରଙ୍ଗାଚରଣ ବିନୁ ଅନ୍ୟ ଗତି ନାହିଁରେ । ୫।
No comments:
Post a Comment