ସମ୍ବଲପୁରୀ ଲୋକ ଗୀତ - ଡାଲ୍-ଖାଇରେ 

ଫଟୋ କ୍ରେଡିଟ୍ - ୱିକିମିଡିଆ କମନସ୍ 

ଗାୟକ - ଅନ୍ନପୂର୍ଣ୍ଣା ଆଚାର୍ଯ୍ୟ ଓ ବିଭୁତି ପଟ୍ଟନାୟକ 

କବି - କାର୍ତ୍ତିକେଶ୍ୱର ନାୟକ 

ସଙ୍ଗୀତ - ପ୍ରଭୁଦତ୍ତ ପ୍ରଧାନ 

ଗୀତର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=S9r-hNwBTYI

ଡାଲ୍ ଖାଇରେ ଡାଲ୍ ଖାଇରେ

ଲାଲ ଗୁଲୁ ଗୁଲୁ ଫଗୁର୍ ବରନ

କେତେ  ବରନ୍ ହେସି ଫୁଲର୍ ଫଗୁନ 

ଫଗୁନ ମାସରେ ଦୋଲ ଯାତରା 

ଯାତରା କେ ଯିବା ଉଦିଆ ତରା 

ଯମୁନାର୍ କୁଲେ କଦମର୍ ମୂଲେ 

ମନ୍ ମହକିଲା ବଏଁସି ସୂରେ

ଫଗୁ ଉଡୁଥିବା ସହିଲୋ 

ମୟୁର ଚୁଲେ ଗୋ ଡାଲ ଖାଇରେ ।

ଡାଲ୍ ଖାଇରେ ଡାଲ୍ ଖାଇରେ

ସୁରୁ ସୁରୁ ଲାଲ ଗିରେଲ ଫୁଲ

କିଣି ଯିବା ଚାଲ ତେମୁଲ ଝାର 

ତେମୁଲ ଝାରେବେ ଥିମା ମହୁଲ  

ମହୁଲ ମଦନେ ହୋଇବା ଭୋଲ

ବାଜିବ ଢୋଲ ଚାଙ୍ଗୁ ମାଦଲ

ଝାଇଁ ମାରିଦେବା ସହିଲୋ

କଲା କଜଲ ରେ ଡାଲ୍ ଖାଇରେ ।

ଡାଲ୍ ଖାଇରେ ଡାଲ୍ ଖାଇରେ

ବାସ ଗହଗହ ଆମ ବଉଲ

ଲାଲ ଚହଚହ ଶିମେଲ ଫୁଲ 

ଶିମେଲ ଫୁଲେ ଗୋ ଯିମା ମୁକୁଟ 

ମୁକୁଟ ପିନ୍ଧିବା ନନ୍ଦର ଚାଟ 

ଫଗୁନ ଜନ ଛନକେ ମନ

ଫଗୁ ଖେଲୁଥିବା ଜନକେ ଜନ 

ଫଗୁ ରଙ୍ଗେ ହେବା ରଙ୍ଗେଇ 

ଲାଲ ବରନ ରେ ଡାଲ ଖାଇରେ ।