ମୂଳା ଭଜା
ସାମଗ୍ରୀ
ଦୁଇଟା ମଧ୍ୟମ ଆକାରର ମୂଳା, ଏକ ମୁଠା ଅରୁଆ ଚାଉଳ, ଏକ ମୁଠା ବିରିଜାଇ, ଜୀରା ଅଧ ଚାମଚ, ଦୁଇଟା ଶୁଖିଲା ଲଙ୍କା ଓ ଭାଜିବା ପାଇଁ ତେଲ ।
ପ୍ରଣାଳୀ
ମୂଳାକୁ ଗୋଲ ଗୋଲ କାଟି ସମାନ ବ୍ୟବଧାନରେ
କାଟି ଧୋଇଦିଅନ୍ତୁ । ସାମାନ୍ୟ ଲୁଣ ହଳଦୀ ଦେଇ ଏକ କପ୍ ପାଣି ଦେଇ କରେଇରେ ଘୋଡାଇକରି ସିଝାଇ ଦିଅନ୍ତୁ
। ଟାଣ ସିଝା କରି ସେଗୁଡିକୁରୁ ପାଣି ନିଗାଡି ଥାଳିରେ ଥଣ୍ଡା କରିଦିଅନ୍ତୁ ।
ଅରୁଆ ଚାଉଳ ଓ ବୁଟକୁ ପାଣିରେ ବତୁରାଇ ଜୀରା
ଲଙ୍କା ଦେଇ ଏକତ୍ର ବାଟି ଆଣ ପ୍ରସ୍ତୁତ କରନ୍ତୁ । ସେଇ ଆଣରେ
ସାମାନ୍ୟ ଲୁଣ ପକାଇ ମୂଳା ଖଣ୍ଡ ଗୁଡିକୁ ବୁଡାଇ ଦିଅନ୍ତୁ । ତାୱାରେ ତେଲ ପକାଇ ଏଇ
ମୂଳାକୁ ଗୋଟି ଗୋଟି କରି ଆଣରେ ବୁଡାଇ ଧୀର ଜାଳରେ ଏପଟ ସେପଟ କରି ଲେଉଟାଇ ଭାଜନ୍ତୁ ଓ ଗରମ ଗରମ
ପରିବେଷଣ କରନ୍ତୁ ।
ମୂଳାକୁ ଖଣ୍ଡ ଖଣ୍ଡ କରି କାଟି ଲୁଣ ହଳଦି
ଦେଇ ସିଝାଇ ସାରିଲା ପରେ ସେଗୁଡିକୁ ଘିଅରେ ଭାଜିଲେ ଅଧିକ ସୁଆଦ ଲାଗେ । କରେଇରେ ଘିଅ ପକାଇ
ସୋରିଷ ଫୁଟାଇ ଏଇ ସିଝା ମୂଳା ଖଣ୍ଡ ଗୁଡିକୁ ସେକି ସେକି ଭାଜି ଦେବେ ଓ ଜୀରା ଲଙ୍କା ଗୁଣ୍ଡରୁ
ଏକ ଚାମଚ ସେଥିରେ ପକାଇବେ ।
No comments:
Post a Comment