ପିଲାଙ୍କ ଗୀତ -  'ଟୁକୁ ମୂଷି' 

ଗୋପାଳଚନ୍ଦ୍ର ପ୍ରହରାଜ 

ଫଟୋ କ୍ରେଡିଟ୍ - ୱିକିମିଡିଆ କମନସ୍ 

ଟୁ'କୁ ମୂଷି ଟୁ'କୁ ମୂଷି 
ଧାନ ଭରଣକ ଖାଉଥା ବସି 
ତୁ ଥା' ମୁଁ ଯାଉଛି ରୁଷି । 

କାଳିଆ ବଳଦ ଗଲା 

ହାଣ୍ଡି କୁଣ୍ଢେଇ ଜଗି ଥିବୁଟି

ହାଣ୍ଡି ଧୁଡୁଧୁଡୁ କଲା । 

କାଳିଆ ବଳଦ ଭାରି ଉଝଟ

ନିତି ଭାଙ୍ଗଇ ତାଟି କବାଟ ।

ମୋ ହାତରେ ଥାଏ ଖଣ୍ଡିଏ ଛାଟ

ପିଲାଙ୍କୁ ଦେଖିଲେ ଉଗାଳେ ବାଟ ।

ବାପା ରଖିଗଲେ ଧାନ ଭରଣେ ।

ଅମାରରେ ଏବେ ନାହିଁ ତ ମାଣେ ।

ଚଷୁ ଗଦା ହେଲା ଅମାରେ କଣେ 

ଚାଉଳଯାକ ତ ଗଲାଣି କେଣେ ।

ଟୁଉକୁ ମୂଷି ରେ ଦିଶୁ ତ ସାନ 

ମାସକେ ଖାଇଲୁ ଭରଣେ ଧାନ ।

କିପରି ହୋଇଲା ପେଟରେ ଥାନ ?

କୋଡମେଇ ତୋର ପେଟ ସମାନ ।

ରୁଷି କରି ବାପା ଛାଡିଲେ ଘର 

ମାଆକୁ ହେଲାଣି ଏକୁଆ ଜର ।

ଟୁଉକୁ ମୂଷି ଜଗିଛି ଘର 

ତୁଚ୍ଛା କରୁଅଛି ଧାନ ଅମାର ।

ମୂଳ ରଚନା ଶ୍ରୀ ଗୋପାଳଚନ୍ଦ୍ର ପ୍ରହରାଜ ବିରଚିତ  ' ଧୋରେ ବାୟା ଧୋ' ସଙ୍କଳନରେ ପ୍ରକାଶିତ । ଗୀତଟିର ଏହି ପ୍ରତିଟି ଓଡିଶା ସାହିତ୍ୟ ଏକାଡେମୀ ଛାପିଥିବା ଶ୍ରୀ ରାମକୃଷ୍ଣ ନନ୍ଦ ସଙ୍କଳିତ 'ଓଡିଆ ଶିଶୁ ସଙ୍ଗୀତ ସଙ୍କଳନ' ରୁ ଆହୃତ ।