ହବିଷ ଡାଲମା
 |
| ଫଟୋ କ୍ରେଡିଟ୍ - ୱିକିମିଡିଆ କମନସ୍ |
ସାମଗ୍ରୀ
କଞ୍ଚା ମୁଗ ଜାଇ ୨୫୦ ଗ୍ରାମ୍, ୨ଟା ମଧ୍ୟମ ଆକାରର କଞ୍ଚା କଦଳୀ, ପୁଆ ସାରୁ ୨୫୦ ଗ୍ରାମ୍, ଓଉ ଫଡାଏ ବା ଖଟା ନାରଙ୍ଗ କମଳା ଗୋଟିଏ, ବଡ ଚାମଚରେ ୪ ଚାମଚ ଗୁଆ ଘିଅ, ବଘାରିବା ପାଇଁ ଲଙ୍କା ଓ ଜୀରା, ଦୁଇଟି ଶୁଖିଲା ଲଙ୍କା, ଚାରି ଚାମଚ ଭଜା ଜୀରାର ଗୁଣ୍ଡ, ୩/୪ ଟି ତେଜ ପତ୍ର, ଫାଳେ ନଡିଆ କୋରା, ସୁଆଦ ଅନୁସାରେ ଲୁଣ ।
ପ୍ରଣାଳୀ
ଗୋଟିଏ ଡେକେଚିରେ ପାଣି ଦେଇ ଗରମ କର ଓ ସେଥିରେ କଞ୍ଚା ମୁଗ ଜାଇ ଧୋଇକରି ପକାନ୍ତୁ । କଞ୍ଚା କଦଳୀ ଓ ସାରୁକୁ ସମାନ ମଝିଆଳିଆ ଖଣ୍ଡ କରି କାଟି ପାଣିରେ ଦୁଇ ଚାରି ଥର ଭଲ ଭାବେ ଧୋଇ ସେଥିରେ ପକାନ୍ତୁ । ଏଥିରେ ହଳଦୀ ପଡିବ ନାହିଁ । ଏବେ ଲୁଣ ପକାନ୍ତୁ । ପରିବା ସିଝିଗଲେ ଓଉ କଟା ନହେଲେ ଖଟା କମଳାର ରସ ପକାଇ ଚୁଲିରୁ ବାହାର କରନ୍ତୁ । କରେଇରେ ଘିଅ ଗରମ କରନ୍ତୁ । ଘିଅ ଗରମ ହୋଇଗଲେ ଏଥିରେ ଶୁଖିଲା ଲଙ୍କା ଓ ଗୋଟେ ଚାମୁଚ ଗୋଟା ଜୀରା ପକାଇ ଡାଲମାକୁ ବଘାରି ଦିଅନ୍ତୁ । ଓହ୍ଲାଇଲା ବେଳେ ଜୀରାଲଙ୍କା ଗୁଣ୍ଡ ପକାଇ ଓହ୍ଲାନ୍ତୁ ।
No comments:
Post a Comment