ଚାଉଳ ଚୁନା ରୁଟି
 |
| ଫଟୋ କ୍ରେଡିଟ୍ - ୱିକିମିଡିଆ କମନସ୍ |
ସାମଗ୍ରୀ - ଚାରି କପ ଉଆପଖିଆ ଚାଉଳ (ପାଖାପାଖି ୫୦୦ ଗ୍ରାମ), ଏକ ଇଞ୍ଚ ଲମ୍ବ ଓ ଚଉଡ଼ା ଅଦା ଖଣ୍ଡେ, ଦୁଇ ଚାହା ଚାମଚ ଜୁଆଣି, ଚାରି କପ ପାଣି, ୧୨ ଚାମଚ ଘିଅ, ସୁଆଦ ଅନୁସାରେ ଲୁଣ ।
ପ୍ରଣାଳୀ - ଗୋଟିଏ କଡେଇରେ ପାଣି ଫୁଟାନ୍ତୁ । ସେଥିରେ ଲୁଣ ପକାନ୍ତୁ । ପାଣି ଫୁଟି ଆସିଲେ ଆଞ୍ଚ କମାଇ ଦିଅନ୍ତୁ । ଅଦାକୁ ଧୁଳ କରି କାଟନ୍ତୁ ଓ ତା ପରେ ହେମଦସ୍ତାରେ ଛେଚନ୍ତୁ । ଫୁଟୁଥିବା ପାଣିରେ ଏହି ଅଦା ଓ ଜୁଆଣିକୁ ପକାନ୍ତୁ ଓ ଦୁଇ ମିନିଟ ଫୁଟାନ୍ତୁ । ତାହା ପରେ ଅଳପ ଅଳପ ଚୁନା ପକାଇ ଲୁହା ଖଡ଼ିକାରେ ଘାଣ୍ଟନ୍ତୁ । ସବୁ ତକ ଚୁନା ପଡ଼ି ସାରିବା ପରେ ତିନି ମିନିଟ ଜନ୍ତନ୍ତୁ । ଜନ୍ତାକୁ ଖଡ଼ିକାରେ ଘାଣ୍ଟୁଥିବେ । ଆଞ୍ଚରୁ ଓହ୍ଲାଇ ଦିଅନ୍ତୁ । ଜନ୍ତା ଥଣ୍ଡା ହେବା ପର୍ଯ୍ୟନ୍ତ ଅପେକ୍ଷା କରନ୍ତୁ । ଘିଅ ହାତ କରି ଜନ୍ତା କୁ ଭଲ କରି ଦଳିଦିଅନ୍ତୁ । ଯେତେ ଦଳିବେ ସେତେ ଭଲ । କୌଣସି ବିଣ୍ଡି ନ ରହିବା କଥା । ଏହି ଦଳାକୁ ରୁଟି ଗୁଳା ପରି ବଡ଼ ବଡ଼ ଗୁଳା କରନ୍ତୁ । ଗୋଲ ଗୋଲ କରି ଗୁଳା କରି, ଚାଉଳ ଚୁନା ଦେଇ ବେଲନ୍ତୁ । ପଲମରେ ସେକି ନିଆଁକୁ ଦେଖାଇ ସେକି ଦିଅନ୍ତୁ । ଚାଉଳ ଚୁନା ରୁଟି ପ୍ରସ୍ତୁତ ।
No comments:
Post a Comment