ମଧୁସୂଦନ ରାଓ କୃତ କବିତା - ମଣି ମାଳା

ଗାୟକ - ରାମହରି ଦାସ 

ଗୀତର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=Jc94goafQpU

ଫଟୋ କ୍ରେଡିଟ୍ - ୱିକିମିଡିଆ କମନସ୍ 

ମା ନାମ ମଧୁର ଅତି ଅମୃତ ସମାନ ।

ମା ନାମେ ଶୀତଳ ହେଉ ମୋହର ପରାଣ ।।

ପିତା ମାତା ଗୁରୁଜନ ଦେବତା ସମାନ ।

ତାଙ୍କୁ ଭକ୍ତି ଭରେ ସେବି ହେବି ସୁସନ୍ତାନ ।।

ଭାଇ ଭଗିନୀଙ୍କୁ ସ୍ନେହ କରି ଅନୁକ୍ଷଣ । 

ଧନ୍ୟ ହେଉ ଧନ୍ୟ ହେଉ ମୋର ଏ ଜୀବନ ।।

ପର ଦୁଃଖେ ଦୁଃଖୀ ହୋଇ ଦୁଃଖୀ ଜନ ପ୍ରତି  ।

ଦୟା କରି ହେବି ମୁହିଁ ସୁଶୀଳ ସୁମତି ।।

ବିଶ୍ୱପତି ପ୍ରାଣଦାତା ପରମ ଇଶ୍ୱରେ ।

ଭଜିବାିପୁଜିବି ମୁହିଁ ସଦା ଭକ୍ତି ଭରେ ।।

ମୁଖେ ସଦା ସତ୍ୟ କଥା ସତ୍ୟ ଚିନ୍ତା ମନେ । 

ମୁଖେ ଅବା ମନେ ମିଥ୍ୟା ନ ରଖିବି କ୍ଷଣେ ।।

ସ୍ୱଦେଶ ସ୍ୱଗୃହ ଅଟେ ସରଗ ସମାନ ।

ଦେଶ ହିତେ ଗୃହ ହିତେ ଲଗାଇବି ପ୍ରାଣ ।।

ଏ ବ୍ରହ୍ଣାଣ୍ଡେ ଏ ଜୀବନେ ମହାଶାସ୍ତ୍ର ଜାଣି ।

ବିନୟେ ଶିଖିବି ଜ୍ଞାନ ହେବି ତହିଁ ଜ୍ଞାନୀ ।।

ମଙ୍ଗଳ ସୁନ୍ଦର ସତ୍ୟ ଲୋଡି ନିରନ୍ତର ।

ଧନ୍ୟ ହେଉ ଧନ୍ୟ ହେଉ ଜୀବନ ମୋହର ।।