ଫିଲ୍ମି ଦୁର୍ଗା ଭଜନ 

ଭଜନର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=2qrwny2oEwA

ଫଟୋ କ୍ରେଡିଟ୍ - ୱିକିମିଡିଆ କମନସ୍ 

ସିଂହବାହିନୀ ଶକ୍ତିପ୍ରଦାୟିନୀ ମା ଆସ ଅବତରୀ ଏ ଧରା ଧାମକୁ 

ମା ଗୋ ଶୁଣ ମାଗୁଣି । 

ଯୁଗେ ଯୁଗେ ମା ଗୋ ତୁମ କରୁଣାରୁ ମାନବର ଦେହ ଧରି

ତୁମ ଆନନ୍ଦ ଧାମେ ଫେରିଯାଉ ତୁମ କାମ ଆମେ କରି

ଆସ ମା ଦୁର୍ଗା ବିକଶିତ ହୁଅ ନବୀନ ଅରୁଣ ପରି ।

ତ୍ରିଶୂଳ ଧାରିଣୀ ରିପୁନାଶିନୀ ମା ସାହା ହୁଅ ତୁମେ ଆସି

ମଙ୍ଗଳମୟୀ ସେ ରୂପକୁ ଚାହିଁ  ରହିଛୁ ଭାରତବାସୀ

ଦିଅ ମା ଭକ୍ତି ଦିଅ ମା ଶକ୍ତି ମାଗୁଅଛୁ କର ଯୋଡି । 

ତମସା ତିମିର ପୂରି ରହିଥିଲା ମୋର ଏ ଭାରତ ଦେଶେ

ଅନ୍ଧାର ନାଶି ଉଦୟ ହେଲ ଗୋ ଗଗନ ପ୍ରାନ୍ତେ ଶେଷେ 

ତୁମରି ଆଭାର ଉଷାର ଆଲୋକେ ଦଶ ଦିଶ ଉଠୁ ହସି ।

ସିଂହବାହିନୀ ଶକ୍ତିପ୍ରଦାୟିନୀ ମା ଆସ ଅବତରୀ ଏଧରା ଧାମକୁ 

ମା ଗୋ ଶୁଣ ମାଗୁଣି ।