ମହିମା ଭକ୍ତି କବିତା - 'ମହିମା ଦେଖ'
କବି - ଭୀମ ଭୋଇ
 |
| ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ମହିମା ଦେଖ ଯାର ନାହିଁ ରୂପ ରେଖ ।ଘୋଷା।
ନିଶବ୍ଦ ଘରୁ ଶବଦ ଜଡ଼ା କହେ ଚାରିବେଦ
ଶୂଦ୍ର ହୋଇ ବ୍ରହ୍ମ ପଦ ପ୍ରକାଶ ହେଉଛି ମୁଖ ।୧।
ମୂର୍ଖେ ହୋଇଲେ ପଣ୍ଡିତା ବେଦ ଶାସ୍ତ୍ରେ ନାହିଁ ଶ୍ରୋତା
ଅଜ୍ଞାନୀ ହୋଇଲେ ଚେତା ବୁଦ୍ଧିକି କରି ବିବେକ ।୨।
ଗୃହୀମାନେ ହେଲେ ୠଷି ତପରେ ବ୍ରହ୍ମକୁ ତୋଷି
ବୋଲାଇଲେ ଦାସ ଦାସୀ କ୍ଷଏ କରି ପାପ ଦୁଃଖ ।୩।
ମଲା ପିଣ୍ଡ ଉଠିଲାଣି ପାଷାଣ ପାଣି ହେଲାଣି
ଗୁପ୍ତ କଥା ଫିଟିଲାଣି ମିଛ ନୋହେ ସତ ବାକ୍ୟ ।୪।
ପଙ୍ଗୁ ଗିରି ଲଙ୍ଘି ଯାଇ ଅନ୍ଧ ଚକ୍ଷୁଦାନ ପାଇ
ଅପୁତ୍ରକ ପୁତ୍ର ହୋଇ ଏଥୁକି ନେବ ପରୀକ୍ଷ ।୫।
ଭଣେ ଭୀମ ଅରିକ୍ଷିତ ଧ୍ୟାଇ ଗୁରୁ ପାଦଗତ
ସେ ଅଲେଖ ଅବଧୂତ ଲଭିବାକୁ ନାହିଁ ସକ୍ଷ ।୬।
No comments:
Post a Comment